kizey çizey zam girpey giřey dił
From the Book:
Dîwanî Mewlewî
By:
Mawlawi Tawagozi (1806-1882)
1 minutes
987 views
kizey çizey zam girpey giřey dił
daxî dûrî dos dûr kefte menził
şerarey ahîr diłey piř derdim
tep û dûy dûkeł henasey serdim
ce şerarey nar diłey piř ce xem
soçya temam her hefit perdey çem
boy kizey kebab sozî sîney řêş
qirçey birêştey cergî cefakêş
coşî semawer dîgî diłey teng
lûley fwarey firmêsk sed řeng
wajawiş çun taf řîşey hestîm berd
rîşey koterey cergim berawerd
dił ce derûnda kerden we biryan
we mergit qesem tasey tom kiryan