دڵ هیلاکی نازتە با غەمزە تەدبیری نەکا
لە کتێبی:
دیوانی حاجی قادری کۆیی
بەرهەمی:
حاجی قادری کۆیی (1816-1897)
1 خولەک
1364 بینین
دڵ هیلاکی نازتە با غەمزە تەدبیری نەکا
هەر دەبێ بمرێ مەگەر خەللاقی تەقدیری نەکا
ئەی قیامەت قامەتی تووبا قیامم هەستە تا
داعیەی بەرزی لە گوڵشەن سەروی کشمیری نەکا
من خەوی ئەو چاوە عەرزی ئیبنوسیرینم دەکرد
نوست و فەرمووی: هیچکەسێ تەفسیر و تەعبیری نەکا!
من لە سایەی ئەم دەرە ناڕۆم هەتا ڕۆژم نەیێ
با بە کەیفی خۆی بکا بەدکار و تەقسیری نەکا!
چونکە نرخی ماچی تۆی گۆڕی هەموو دەستەودوعان
خەتتی نەوخێزت وەکوو زولفت خودا پیری نەکا!
پێی بڵێ بادی سەبا غەم لێرە بێکەس کەوتووە
دڵ بوو غەمخواری ئەمانە، لەحزەیێ گیری نەکا!
ناحەقیی ئەو دەرحەقم، کەی دەیگرێ میزانی حەق؟
کاتبی ئەعمال ئەگەر بێت و تەڕەفگیری نەکا
غەیری دڵ ماوێژە کەس، تیرت لە ڕۆحی من کەوێ
تا بە جۆشی خوێنی حاجیناسناوی ئەدەبی سینە کەوگیری نەکا