کار و پیشەی ئەم دڵەم چ بکەم خودا هەر زارییە؟
لە کتێبی:
دیوانی وەفایی
بەرهەمی:
وەفایی (1844-1902)
1 خولەک
1028 بینین
کار و پیشەی ئەم دڵەم چ بکەم خودا هەر زارییە؟
سەیلی فرمێسکم وەکوو جۆگە لە چاوم جارییە
سەروە یا شمشادە؟ یاخۆ عەرعەرە، یا نارەوەن؟
یا چنارە یا کە تووبای قامەتی دڵدارییە؟
نوختەیی ئایاتی قورئان، یا نە هیندووی خەتتی تۆ
یا سەوادی عەینە، یاخۆ خاڵی سەر ڕوخسارییە؟
بێ قسە وەختی تەبەسسوم سەد هەزارانی دەکوشت
یا نە غیلمان، یا پەری، یا حوورە، یا گوڵزارییە؟
مات و حەیرانم کە بۆچ ئەمڕۆ دەمی هێنا ئەمە
یا نە تەئسیری فوغانە، یا نە وەعدەی پارییە؟
زەخمی ناسۆری قەرارە، یا نە ئێشی خەنجەرە؟
یا خەدەنگی چاوی بیمارت لە جەرگم کارییە؟
دەنگی قووقووی قومرییە، یاخۆ سەڵایی شیوەنە؟
دەنگ و نەغمەی بولبولە یا ناڵەناڵی تارییە؟
ئەشکی دوو چاوی وەفاییناسناوی ئەدەبی سوورە جارێ ئاوییە
چونکی لێوی لەعلە گەردەنبەندەکەی مروارییە