شیفای ئێش و نێش ئەی زامانی سەخت
لە کتێبی:
دیوانی مەولەوی
بەرهەمی:
مەولەوی (1806-1882)
1 خولەک
913 بینین
شیفای ئێش و نێش ئەی زامانی سەخت
زیای دیدە و دڵ مەعدوومیناسناوی ئەدەبیی بەدبەخت
دەستەی وەنەوشەی پەلدێزت یاوا
بۆش بۆی وەفای لەیل نە دەماخ ساوا
گەردی دەردی ڕێش دەروون بەردەوە
عەشقەکەی قەدیم تازە کەردەوە
سەودای وەنەوشەی پەلدێزی باخان
هەوای گوڵاڵان سەر کاوان زاخان
پەی کەسێ خاسەن ئەوەڵ دەردش بۆ
ئیبتیدای خێزیای دوودی سەردش بۆ
کەرۆ مەشقی عەشق وێنەی مناڵان
گا سەیری کاوان، گا بۆی گوڵاڵان
نەک چون من سەرعی ساداری مەردە
لافاوی دەردان دڵ وێران کەردە
کوورەی عەشقی دڵ هەر یەند جۆش وەردەن
گوڵاڵەم چون وێم فەرامۆش کەردەن