şîfay êş û nêş ey zamanî sext
From the Book:
Dîwanî Mewlewî
By:
Mawlawi Tawagozi (1806-1882)
1 minutes
652 views
şîfay êş û nêş ey zamanî sext
zyay dîde û dił me’dûmîPen namey bedbext
destey wenewşey peldêzit yawa
boş boy wefay leyl ne demax sawa
gerdî derdî řêş derûn berdewe
’eşqekey qedîm taze kerdewe
sewday wenewşey peldêzî baxan
heway gułałan ser kawan zaxan
pey kesê xasen eweł derdiş bo
îbtîday xêzyay dûdî serdiş bo
kero meşqî ’eşq wêney minałan
ga seyrî kawan, ga boy gułałan
nek çun min ser’î sadarî merde
lafawî derdan dił wêran kerde
kûrey ’eşqî dił her yend coş werden
gułałem çun wêm feramoş kerden