سەد پەرێم دایم خەم بەستەن کەڵەک
لە کتێبی:
دیوانی مەولەوی
بەرهەمی:
مەولەوی (1806-1882)
1 خولەک
921 بینین
سەد پەرێم دایم خەم بەستەن کەڵەک
ئاخ هەر یەکجار داخ تۆ سەوزەن فەڵەک
مەپێکی ناکاو جە نیمەڕادا
نیگای ئارەزوو وە تەمەننادا
کام سەر، شام تەمای تاجی کەیکەست نەکەرد
سوبحدەم وە تاج سەر «نەی»ت نەکەرد
کێ بی کێ مەجلیس شادی نیاوە؟
پۆس کەللەش وە دەف تۆ دەنگ نەداوە؟
مەعدوومناسناوی ئەدەبی، ئەر زەڕەی شێوەی فاماتەن
بە فام قەرینەی لوات ئاماتەن
ئەی ڕا ڕای خەتەر ڕاویارانەن
سفیدیش غوبار کەللەی یارانەن
برکەش چای دیدەی پڕ هووناوی دڵ
میل، باڵای بێگیان وامەندەی خجڵ
ها سەف پێکان پۆس کەللەی هامدەمان
کەللەبڕ پەی پۆس کەللەمان تەمان
هوردەر چەنی سۆز دەروونی پڕ نێش
فەریاد ئەو ساقی و ئەو نەیچی و دەروێش
سەدای دەف و نەی بەیۆ نە گۆشت
نەشئەی مەی بەخشۆ حەیات وە هۆشت
بویەر جە سای تەرز دەف و نەیەوە
وە زاتی مەستیی نەشئەی مەیەوە
تاکەی کەنۆ دەست چەرخی چەپئەندێش
پۆس کەللەت ناکاو پەی پۆس کەللەی وێش