sed perêm daym xem besten kełek
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
668 Dîtin
sed perêm daym xem besten kełek
ax her yekcar dax to sewzen fełek
mepêkî nakaw ce nîmeřada
nîgay arezû we temennada
kam ser, şam temay tacî keyKest nekerd
subḧidem we tac ser «ney»t nekerd
kê bî kê meclîs şadî nyawe?
pos kelleş we def to deng nedawe?
me’dûmNasnava edebî, er zeřey şêwey famaten
be fam qerîney lwat amaten
ey řa řay xeter řawyaranen
sifîdîş ẍubar kelley yaranen
birkeş çay dîdey piř hûnawî dił
mîl, bałay bêgyan wamendey xicił
ha sef pêkan pos kelley hamdeman
kellebiř pey pos kelleman teman
hurder çenî soz derûnî piř nêş
feryad ew saqî û ew neyçî û derwêş
seday def û ney beyo ne goşt
neş’ey mey bexşo ḧeyat we hoşt
buyer ce say terz def û neyewe
we zatî mestîy neş’ey meyewe
takey keno dest çerxî çep’endêş
pos kellet nakaw pey pos kelley wêş