نەما ناوم لەناوا سا لەبەر ناوی خودا ڕەحمێ
لە کتێبی:
هەوارگەی دڵان
بەرهەمی:
سەید تاهیر هاشمی (1915-1991)
3 خولەک
729 بینین
نەما ناوم لەناوا سا لەبەر ناوی خودا ڕەحمێ
بە حاڵی ئەم حەزینەی دوور لە یارەی بێنەوا ڕەحمێ
پەنام لای هەر کەسێ برد دەستی ڕەددی نایە سەر سینگم
دەخیلە غەوسی بەغداناوی تایبەت ئەی پەنای هەر بێ پەنا ڕەحمێ
یەیانی دەردی خۆم لای هەر تەبیبێ کرد و نەیناسی
خوداناس و تەبیبی ئێش و دەردی بێدەوا ڕەحمێ
بەشم تێ هەڵدەیە و خواری جنێو و نەعلەت و نەفرین
لەجێی مووچە و خەڵات و مەرحەبا باوکی گەدا ڕەحمێ
بە پشتگەرمی کەسێ من چواردە ساڵ باری عەنام کێشا
کە وا خۆی بەردی سەردی داوەتە سەر دڵمدا ڕەحمێ
لە تاریکەی شەوی حیرمانەدا من وێڵ و حەیرانم
ئەمان هادی سوبول نووری خودا شەمسی سەفا ڕەحمێ
هەموو ئێسک و پەراسووم ورد و هانی بەردی ئەغیارە
سەگی دەرماڵی تۆم بێرە جواو کانی وەفا ڕەحمێ
لەکوێ وەک تۆ لە مەیدانی قەدەر گۆی سەروەری دەرکرد
هومایۆن شەهسەواری تر بە گۆچانی قەزا ڕەحمێ
لەکوێ وەک تۆ کەسێ سەرمەستی بادەی نوور و تەوحیدە
بە دەستی مورتەزا حەو جار لە کاسی موستەفا ڕەحمێ
بەجێیە گەردەنی پاکان وەکوو فەرشی قەدەمگاتە
کە شەئنی شانی تۆیە پێی شەهەنشای ئەنبیا ڕەحمێ
نەتیجەی ڕەنجی عومرێکم هەناسە و ئاهـ و ئەفغانە
لەبەر سوێنی درۆ و وەعدەی خیلافی پڕ جەفا ڕەحمێ
بە عیززی حەزرەتی خاتەم، شەفیعی ئادەم و عالەم
ئەمینی سیڕڕی ما أوحىٰعەرەبی شەهی موڵکی دَنىٰعەرەبی ڕەحمێ
بە سیدقی سینەیی بووبەکر و سۆزی باتنی فارووق
بە حەققی شەرمی عوسمانناوی تایبەت عیلم و تەقوای مورتەزاناوی تایبەت ڕەحمێ
بە حەققی عیسمەتی زەهراناوی تایبەت کە بِضعَةعەرەبیی فەخری ئەکوانە
بە جەرگی لەتلەت و سەبر و سکوونی موجتەباناوی تایبەت ڕەحمێ
بە خوێنی حەڵقی تینووی ئەو کەسەی وا مەرقەدی پاکی
وەکوو کەعبەی فەقیرانە لە شاری کەربەلاناوی تایبەت ڕەحمێ
بە حەققی جەمعی ئەسحاب و ئەئیممەی پاکدین لوتفێ
بە ئەقتاب و مەشایخ ئەسفیا و ئەزکیا ڕەحمێ
بە حاڵم سا بە حاڵم قیبلەگاهم گۆشەیی چاوێ
لەگەڵ من سا، لەگەڵ من شاهەکەم، تۆ بی و خودا ڕەحمێ
بە هاژەی باڵەکەی خۆت بازی ئەوجی لامەکان جارێ
بە ئەم پۆڕە خوراوەی کەوتووەی بێ دەست و پا ڕەحمێ
شەهەنشاها ئەتۆی میخدەع مەقامی زوروەیی عیززەت
بە حاڵی تاهیریناسناوی ئەدەبی پەستی زەلیلی ڕووسیا ڕەحمێ