لە تاڵیی تامی سەبری بێ سەمەر ئاخ
لە کتێبی:
هەوارگەی دڵان
بەرهەمی:
سەید تاهیر هاشمی (1915-1991)
1 خولەک
729 بینین
لە تاڵیی تامی سەبری بێ سەمەر ئاخ
لە نەشئەی زەهری لێوی وەک شەکەر ئاخ
لە خولفی وەعدە و ئیقراری بێ سوود
لە جەننەت زاهیری باتن سەقەر ئاخ
لە لۆمەی سەگدڵانی دوور لە دین داد
لە تانەی ناکەسانی بێ هونەر ئاخ
لە قرچەی نیوەسووتی نەخڵی ئوممێد
لە کڵپەی ناری سینەی پڕ شەرەر ئاخ
لە ئیستیغنای حەبیب و جەوری ئەغیار
لە شوومی بەخت و هیواکەی هەدەر ئاخ
لە گیانی خۆی بە دڵ بێزارە تاهیرناسناوی ئەدەبی
دەهەڵکێشێ هەناسە و ئاخ لە سەر ئاخ