سڵام کۆساری جوان و شیرینم
لە کتێبی:
دیوانی مەلا حەسەنی دزڵی
بەرهەمی:
مەلا حەسەنی دزڵی (1859-1946)
1 خولەک
895 بینین
سڵام کۆساری جوان و شیرینم
بوارۆ نە چەم سەیلە ئەسرینم
سڵام بە چین چین گۆراڵانی سوور
مەر بە خاو کەروو، بۆ و شەوبۆ و چنوور!
ڕۆجیار بازش دا ئەو بازیبەرانناوی تایبەت
یاران دزڵی، یادمان مەکەران؟
دەروونم بیەن ساجە ماسۆڵە
ئا باخە تازە، هانەکەرمۆڵەناوی تایبەت
ئا باخە تازە خەزانش کەردەن؟
یا ئیمساڵ ئاوش، نەوشیروانناوی تایبەت وەردەن؟
بە سەرگەردت بام باخی دێوانە
مەدیۆنە دزڵی، یانە بە یانە
وەشەن گوراڵان خەیمەی ئا خیابان
ناڵەی بەختەمەڕناوی تایبەت جەلای ئەسحابان
وڵ کەردەن بەنا چووزە کڵێڵەم
پووینەی پای شەتاو، نە دەربەن کەڵەمناوی تایبەت
وەرکەمەر، چنوور، سوور هەراڵ، شەوبۆ
هەرکام بە جۆرێ، مەدیانێ پەی یۆ
پیچک لوول واردەن، نەپای تاشەدا
بەڕەزا پەخشەن، وەلای شاخەدا
ئەجیام دماو من کەرەس مەوەران!
دماو من قەزوان کەوە مەکەران!
هەورامانشوێن خاکت، تەڵان، گەوهەرە!
دزڵیناوی تایبەت دڵگیریت، جە حەد بەدەرە!
واچە پا خەڵکی هانایی بەرا
بەشکەم جە دزڵی حەشرەما کەرا
پێوە بە جارێ بلمێرە بەهەشت
بلمێ سەیرانە و وەشی و گێڵ و گەشت!