موحەققەق بوو لە عالەمدا وەرن یاران بە مەردانە
بۆ شێخ عەبدولکەریمی گەیلانی
لە کتێبی:
دیوانی ویساڵی
بەرهەمی:
ویساڵی (1902-1973)
2 خولەک
701 بینین
موحەققەق بوو لە عالەمدا وەرن یاران بە مەردانە
شەهی عەبدولکەریمناوی تایبەت نائیب مەنابی پیری گەیلانە
دڵی عالەم مونەووەر بوو بە دنگی کۆسی ئیرشادی
ئیلاهی بەرقەراری کەی لەبۆ ئەم گشت مریدانە
بحمد اللهعەرەبی تەریقەی قادری ئەمڕۆ بە لوتفی ئەو
بووە ئەحیا بە یەک دەفعە موقابیل ڕەسمی جارانە
عەجائیب مورشیدی چاکە، لە ئەفکاری بەدی پاکە
لە قسەی خەڵقی بێباکە، غەریقی بەحری عیرفانە
بە خووبی یۆسفی سانی، بە هیممەت قوتبی ڕەببانی
لەلای جەهر و نیهانی وەکوو یەک هەر نومایانە
سەخاوەت حاتەمی تائی، شوجاعەت خالیدی غازی
بە حیکمەت ئیبنوسینایی، فەساحەت شوبهی سەحبانە
لە سیدقا میسلی سەدیقە. لە عەدلا ئیبنی خەتتابە
لە عیلما شێری کەڕڕارە، لە حیلما شوبهی عوسمانە
عوموومەن پیری ئەم وەقتە لە ئیرشادی پەرێشانن
کە عالەم وا بە یەک دەفعە بوون مەجزووب و دێوانە
کەسێ مەعلوولە ئەمڕۆ کە بچێتە ژێر کەمەندی ئەو
کە لوتفی ئەو لەبۆ دەردی گونەهـ دەرمانی لوقمانە
بریقەی بەرقی ئیرشادی هەڵی گیرسان سیراجەددین
لە تەئسیری حەدیسی ئەو هەموو عالەم موسوڵمانە
لە دونیا مورشیدی کامیل ئەوە بۆ حەللی هەر موشکیل
ئەوە لوقمانی دەردی دڵ گوڵی فیردەوسی ڕیزوانە
عەسای لوتفی دەکا شەققی یەمی عوسیان لە بۆ خەڵقی
خۆتان ڕاهی کەن ئەی عالەم لەنێو ئەم بەحری نسیانە
چ حاجەت تۆ بەیانی کەی ویساڵیناسناوی ئەدەبی فەزڵی ئەو شێخە
دیارە کەشفی ئەو پیرە وەکوو خورشیدی تابانە