جەنابا ئەوا من هاتوومە بارێ
لە کتێبی:
دیوانی ویساڵی
بەرهەمی:
ویساڵی (1902-1973)
1 خولەک
711 بینین
جەنابا ئەوا من هاتوومە بارێ
لەسەر تۆ لازمە تەبریک جارێ
کە چونکە هەردوو هەم جنسین من و تۆ
سەریعەن واجیبە زوو بێیتە بارێ
موبارەک بادی قوربان ئەمری شەرعە
ئەبێ لوتفت وەکوو باران ببارێ
کە بۆت مەعلووم بوو هاتووم و نەهاتی
جەریمەت بێ شکە ئەکرێ بەجارێ
ئەگەر تەبریکی مەنزڵمان نەفەرموون
ئەبی مەحکووم لە سبحەی تا ئێوارێ
ئەوا چاش حازرە فەرموو تەماشا
هەموو جەمعین لەژێر سایەی چنارێ
لە خزمەت حەزرەتی چا دا بە حەلقە
هەموو دانیشتووین دڵخۆش بەجارێ
عەجایب مەنزڵێکە جەننەت ئاسا
لە دەوری چایی گوڵڕەنگ شەکر ئەبارێ
لە بەینا چایی گوڵڕەنگ دانراوە
مولەووەن پیاڵە هەر وەک لەعلی یارێ
موزەییەن مەنزڵ و مەجلیس موڕەتتەب
بە دەست و جامێ ساقی گوڵعوزارێ
مەگەر باغی ئیرەم بێتە ڕەفیقی
لە هەر لایێ ئەبینی لالەزارێ
ویساڵیناسناوی ئەدەبی مەنزڵت تەعریفی نایە
لە دنیادا نییە ئەمسالی بارێ