جەهلە ئیمڕۆ بۆ ئیقامەت ڕەغبەتی لادێیەتی
لە کتێبی:
دیوانی ناری
بەرهەمی:
ناری (1874-1943)
1 خولەک
518 بینین
جەهلە ئیمڕۆ بۆ ئیقامەت ڕەغبەتی لادێیەتی
چونکە زانی عیلم و عیرفانە، لە شارا ڕێیەتی!
عالمێ گەر دەرکەوێ سەد جاهیلی بێ مەعریفەت
یا وەبەر تانەی ئەدا، یا فیکە و هێهێیەتی
ماڵی دڵ شێوێ لەبۆ خاسییەتی ئاوی حەیات
ئارەزووی ماچی دەم و تەقبیلی «لام و بێ»یەتی
واقیعەن دنیا عەجەب شۆخێکی شەنگ و دولبەرە
عالەمێ پابەندی عیشوە و «نوون و ئەلف و زێ»یەتی
ناریناسناوی ئەدەبییە ئیمڕۆ لەژێر باری غەما هاوارییە
دائیمەن هەر ئینتیزاری «میم و واو و تێ»یەتی