فەسڵی بەهارە عەزیزم نۆبەتی سەیرانمە
لە کتێبی:
دیوانی مەزڵووم
بەرهەمی:
مەزڵووم (1916-1955)
1 خولەک
563 بینین
فەسڵی بەهارە، عەزیزم نۆبەتی سەیرانمە
وەقتی عیشوەو نۆش و شادی، زەوقی دەس لە ملانمە
چی لە دڵ کەم، ئارەزووی وەسڵی مەهڕوویان ئەکا
سەد جوانی حۆریی ڕووخسار لە دیوانا میوانمە
من نامەوێ خەت و خاڵ و نەقشی ڕووی دولبەران
چونکە خێمەی نێرگس و گوڵ مەنزەری چاوانمە
قەڵەم کوول بوو، لە وەسفی حوسنی تازە جوانان
ئەمجا نۆبەی تۆیە، ڕەقیب ئارەزووی مەیدانمە
بەهرەکەی شیعرم سوارە، تیغی زوبانم موو ئەکا
گەر ڕەقیبم بێتە مەیدان، ئەوسا کە من سەیرانمە
سواری ئەسپی نالەبارە ڕەقیب لە دوور وا غار ئەدا
ئەمڕۆ مەزڵوومناسناوی ئەدەبی وا لە سەبرا موسابەقەی سوارانمە