ساحیبا ڕێکەوتە بۆ بەندە هەلێکی نادرە
بۆ مامۆستا شێخ محەممەدی خاڵ
لە کتێبی:
دیوانی عارف عورفی
بەرهەمی:
عارف عورفی (1896-1961)
1 خولەک
553 بینین
ساحیبا، ڕێکەوتە بۆ بەندە هەلێکی نادرە
ئەم دوو سێ نەزمەم لەلاتان گەر بمێنێ خاترە
هەمنوشینی ئەهلی عیرفان، مەعریفەت پەیدا ئەکا
شەمسی ڕوویان بۆ گرۆهی ئەهلی ویجدان زاکرە
شەمعی جەمعی ئەهلی عیلم و ناسيحی خير البشرعەرەبی
مەدحی چی کەی نەقشی نەققاشی ئەزەل بۆی زاهیرە
چی بەیان کەم من بەیان خۆی پێشڕەوی ڕووناکییە
عالمی حەقبێژە دیارە پشتی دونیا و ئاخیرە
حەق ئەبێژم شەرتە تا ماوم لە حەق هیچ لا نەدەم
نەفی بکرێم گەر بە سواری باخیرە بۆ قاهیرە
حمدللهعەرەبی وا نەمامی باغی پیرم پێگەیی
شاهسواری موڵکی عەقڵ و هەم لە عیلما ماهیرە
مەدحی ئێمە یا هیجای ناحەز چ تەئسیری هەیە
گەوهەری جوودی لە دەریایی وجوودا زاهیرە
تەرجومەی حاڵی زەهاوی مووجبی فەخر و زەمە
لوتفت فەرموو تا ئەبەد بەندە لە لوتفت شاکرە
خەتمە ئیتر ئەی نەژادی پیری ئەو «خاڵ»ەی کە وا
مورغی ڕۆحی وا لە گوڵزاری ئیرەمدا تائیرە