یاخیبوون

تەمەن بەهاری پاراوە
خوێن گەرم و گەش:
قوڵپ ئەدا، زەوقی هەستاوە
ئەندامی لەش
هەمووی چاوەکوڵم و لێوی، پڕ دەم، بۆ ماچ
هاواری بێدەنگی لەشن.
بەڵام سەد داخ
ئارەزووی برسیی بێبەشن.سەرنج تینوو، تینووی کوڕە!
ناخی دەروون، جێگەی گڕە
سەرنج شێتی تەماشایە
ڕێگاگرە، بەرەڵایە!سەرنج تینووی کوڕی قۆزە
وەکوو مناڵ:
ئاڵۆشی لەش زۆر گڕۆزە
ماخۆلانە و دابین ناکرێ
شەقام هەمووی بە خۆی ناگرێ!قژ، کورتییەکەی، کوڕانییە
ئەتەکێتێکی شەڕانییە
سپێتیی پشت ملی ناسک:
چێژکەی ماچی دوراودوورە
تامی خۆزگەی بەرەو ژوورە!مەمک سرکە
ساوای سنگی دەم بە وڕکە!
مەمک هارە و کراس ئەدڕێ!
جەرگی پیاوی پیریش ئەبڕێ!یاخیبوونی سەدەی نوێیە
مینیجۆبی ژوور ئەژنۆیە
مینیجۆبە، کراس کورتە
گەرمای لەشی نیوەڕۆیە
هەناسەی کوڕ لەگەڵ ئاخا
بۆ مینیجۆب چی دەرناخا!