فەسڵی خەزانی هیجرە ڕەسمی زەمانی دوونە
لە کتێبی:
دیوانی تاهیر بەگی جاف
بەرهەمی:
تاهیر بەگی جاف (1878-1918)
1 خولەک
1325 بینین
فەسڵی خەزانی هیجرە، ڕەسمی زەمانی دوونە
دەردی فیراقی یاران، تەقدیری کاف و نوونە
دونیایە ڕەسمی وایە، بەزمی وەکوو بەڵایە
عەیشی هەموو جەفایە، بادە بە ڕەنگی خوونە
گوڵە ڕەفیقی خارە، شەرابە پڕ خومارە
گەنجە ئەنیسی مارە، بەو بۆنەوە بە بوونە
بێزارە تەن لە هیجران، چاویش پڕە لە گریان
چ بکەم عەلاجی قوربان؟ دڵ عاجز و زەبوونە
مەیلی فیراقی «ناریکەس» دونیا وەهایە کاری
ئەم چەرخە پڕ لە شوورە، ئەرکانی واژگوونە
شیرینە وەسڵی یاران، چونکە دەگاتە هیجران
نازانی ڕۆحم ئەمما، چەند تاڵ و ترش و توونە
لە ژێر خەما مەوێستە، فەرموو دەستت بهێنە
خزمانی شادمانە، تاهیرناسناوی ئەدەبی مات و زەبوونە