نەماوە شاری بابل چاهی هارووت
لە کتێبی:
دیوانی تاهیر بەگی جاف
بەرهەمی:
تاهیر بەگی جاف (1878-1918)
1 خولەک
1308 بینین
نەماوە شاری بابل، چاهی هارووت
لە کوێ خوێندوویە ئەفسوون، چاوی جادووت
دەڵێی تۆراوە قیبلەی ئاشقانت
کە ئەمڕۆ کەچ بووە میحرابی ئەبرووت
وەکوو مەرجانی ئاڵە ڕەنگی ئەشکم
لە تاو ڕوخساری لەعل و لێوی یاقووت
مەکە مەنعم لە شەهدی لێویی ئاڵت
دەزانی خۆ کە کەس ناژی بە بێ قووت
عەجەب سیڕڕی لە ئەبرۆتا بەیانە
موخالیف پێکەوەن هەم تاق و هەم جووت
وەرە تاهیرناسناوی ئەدەبی مەبەستە دڵ بە دونیا
بە زاهیر جوان و، باتین پیر و فەرتووت