ڕۆزگاران ئاخ
بۆ پرسەی شێخ حیسامەدین
لە کتێبی:
دیوانی مەلا حەسەنی دزڵی
بەرهەمی:
مەلا حەسەنی دزڵی (1859-1946)
2 خولەک
853 بینین
ڕۆزگاران ئاخ، ڕۆزگاران ئاخ!
زەمانەی وەیشووم، سەد حەسرەت، سەد داخ!
بدیەوە کەردەی، سیای چەرخەزاخ
چەندش دان وەهەم، خانەدان ئوجاخ!
کۆن ولی اللە، کۆن قبلەی عامی؟
کۆن نوور تەلعەت، شێخی حیسامی؟
تەم و بۆخارەن، نەسەر باخەکۆنناوی تایبەت
شوعاع جەماڵ، حیسامەدین کۆن!
نەجمی مەنزوومەی سەبعەی سەیارات
پەی پابووس پاش، عاڵەم بە ئاوات
فەڵەک ئێشی من، بلۆت نەتۆی دڵ
تۆ قورسی قەمەر، نیات نەتۆی گڵ
ئەی شەمسی تالع هەر لایق بە تۆن
گاهگاهـ تەوێڵەناوی تایبەت و گاهگاهـ باخەکۆنناوی تایبەت
گاهـ بە ئیشارەت ڕەمز مونەوەر
پانە منارەی بورجی گوڵ عومەرناوی تایبەت
قوتبی دنیا و دین، شەمس عالەم تاب
پا نەسەر ڕیکاب، دایرەی ئەقتاب
قوتبی دنیا و دین، قەڵای دینم ڕۆ!
کەعبەی فەقیران، سەرزەمینم ڕۆ!
بابەی مورید و مەنسوبانم ڕۆ!
سەربەرزی عێراقناوی تایبەت هەم ئێرانناوی تایبەتم ڕۆ!
موریدا بەیدێ، بکەردێ زاری
پەرێ بێ کەسی و، بێ یاگەداری!
داخی داخانم، کوشیاوە ئوجاخ
مەگەر هەر واچو، سەد حەسرەت و داخ!
یاگەکێش هاڵی و بێ کەس و بێ شۆن
قوتبێ تەر پێسە، حیسامەدین کۆن؟!