بەچکەی فەرەنجی و ڕۆڵە هەورامی
شەرتە هەورامان بەجێ نەهێڵم
لە کتێبی:
دیوانی مەلا حەسەنی دزڵی
بەرهەمی:
مەلا حەسەنی دزڵی (1859-1946)
1 خولەک
1165 بینین
بەچکەی فەرەنجی و ڕۆڵە هەورامی
----- -----دەقی نائاشکرا
ئەقڵم هاتە بەر، چاوم کردەوە
کە زەمانەم دی، ڕۆژە یا شەوە
سوێنێکم خواردووە، بە ڕۆحی باوام
بە گۆڕی نەنکم، بە ڕۆڵەی ساوام
تا بۆ بەرامەی، شەوبۆ و وەرکەمەر
تا سوورهەراڵە، سەر تێرێتە دەر
تا دەنگی ژەرەژ، پیقەی نەچیری
تا قسەی خۆشی، پیرێکی ژیری
تا بەڕوو مابێ لە هەورامانشوێنا
تا شەماڵ بدا بە کۆساڵانناوی تایبەتا
تا بەڕەزایەک، با بیشەکێنێ
هەتا ڕێواسێ، چووزە دەربێنێ
فەرەنجی شڕێ، چۆخە دڕاوێ
کڵاشە چەکێ، پشتێن بڕاوێ
شەرتە هەورامان، بەجێ نەهێڵم
مەگەر ئەو ساتە، کە بەجێی دێڵم!