دەورێ دەر ساقی وە لای مەحزووندا
لە کتێبی:
دیوانی مەولەوی
بەرهەمی:
مەولەوی (1806-1882)
1 خولەک
1029 بینین
دەورێ دەر ساقی وە لای مەحزووندا
لەیل ئاسا بویەر وە لای مەجنووندا
جامێ جە سەهبای دیای باڵاکەت
ئالوودەی غوبار تۆزی پاڵاکەت
بەو ناز و عیشوە وێت پێمدەرەوە
جەستەی پەژموردەم ئیحیا کەرەوە
جەی قلب الأسدعەرەبی تاوسانی دووری
فێنک کەرەوە جەستەی مەهجووری
بەڵکەم شەرارەی نائیرەی فیراق
نەسۆچنۆ تەمام سەوزەی ئیشتیاق
بەڵام بەو شەرتە مەیلت مودام بۆ
منیچ بەو مەیلە دنیام وەکام بۆ
نەک غەزاڵ ئاسا دیا و ڕەمت بۆ
گا مەیلی شادی، گا ماتەمت بۆ
ئیتر کافی بۆ جەور و جەفاکەت
بەڵ تا وە سەر بۆ مەیل و وەفاکەت
ئەر چەند هەفتەیێ عومرم مەندەبۆ
بەڵکەم دووریی تۆ لێم نەسەندەبۆ