مێژووی پێغەمبەرایەتی و کورد

لە کتێبی:

دیوانی ڕاجی

بەرهەمی:

ڕاجی (1912-1969)

3 خولەک 186 بینین

زمان:

کوردیی ناوەندی

قاڵب:

قەسیدە

کێش:

فۆنت:

ڕۆڵەیی ئادەم، یەکەم، بۆ گشتی میللەت پێشەوا

خاتەمی پێغەمبەری کردۆتە ئەنگوستی بەقا

چونکە ئادەم هاتە ژین، منداڵەکانی پێ بەپێ

لێک جیا بوون، هەر یەکەی یەک جۆرە کاری خستە ڕا

تا لە ڕووی زانست و فەن، ئایین و ڕێکی چوو لەناو

هاتە ڕوو پێغەمبەرێک و، ڕێکوپێکیی ڕێک خرا

ویش کە ڕۆیی بۆ مشوورگێڕانی بەرگ و عەیش و نۆش

هەر کەسە دەستی درێژ کرد، بۆ سەر و ماڵی برا

چی قەلەندەر بوو، لە هێزی دەستدرێژیدا هەڵات

ویش وەڵاتێکی تری کرد ئاوەدان و پڕ بەها

هەر کەسێ دوور کەوتەوە، کار و زمانی دابڕی

بە مێژووی ئادەمی ڕاوێژ ئەدا

تا زەمانی حەزرەتی ، ئیش لە ڕێزەی تێپەڕی

هەرچی ئیشی خوێنمژی بوو، بڵقی تۆفان قووتی دا

نووح بەهۆی کەشتی، لە «جودی»ی ئێمە گرتی لەنگەری

دابەزی هۆزی هونەرپەروەر، لە کوردستان خزا

پێ بەپێ زۆر بوونەوە، دیسان بە خاک وەربوو، هەرا

ڕاست و چەوت و، زۆر و کەم، دیندار و بێ دین تێک قژا

تا ، لە دەستی هۆزی خۆخۆری هەڵات

گەییە لای مەککە و مەدینە، ماڵی کابەی کرد بینا

کاکە ی گەنجی کردە قوربانی، ئیتر

یەک بەرانی دوگ زلی کردە بەڵاگێڕی خودا

گەر بزانی، کابە بۆتە حەججی چوارقوڕنەی جیهان

ئاوی زەمزەم هەڵقوڵا، بۆ دڵبەری مەروە و سەفا

گەر ئەیانناسن ئەمانەن باوک و باپیرانی کورد

هەر ئەوان زنجیرەیی پێغەمبەرانن، ئاشکرا

تا موحەممەد، شاهی ئافاقی سەعادەت هاتە ڕوو

تەفر و توونی خستە زوڵم و بوخل و جەهل و ئیعتیدا

ئایەت و ئایینی حەققی بۆ دەهێنا جوبرەئیل

بۆیە خزمی پیسی خۆی کوشتن، قوماندانی غەزا

بیست و سێ ساڵ کۆششی ئەو، بوو بە سەرمایەی ژیان

وەحدەیێکی موشتەرەک، پیرۆزە، بێ فێڵ و ڕیا

هەر وەکوو بارانی ڕەحمەت، بەڕڕ و بەحری لێک وەشاند

تا لەسایەی وی ژیان بۆنی بەهەشتی تێ گەڕا

کورد و عارەب، تورک و فورس و، هیند و یۆنان و فەڕەنگ

یەک وشەی کردن بە یەک، پێکچوو نەزان و شارەزا

چونکە قانوونێکی بەرزی بۆ بەشەر یەکسەر نواند

کەس دەمی هەڵنایە بگرێ ڕەخنە تا ڕۆژی جەزا

ئەو زمانانەی کە ئادەم دایە دونیا بێ زیان

هەر کەسێ حەز کا دروستە، گشتیان، خۆی فێر ئەکا

چی ئەوێ فەخری ڕیسالەت؟ جگ لە خاوێن و نەجات

ئاوەدانی، یەکدڵی، ژینێکی بێ ڕەنج و بەڵا

ئەو بەهەشتەی خوا ئەفەرموێ، ئاخیرەت بۆ پیاوی باش

پیاوی باش بن، ئێستە بچنە ئەو بەهەشتەی دڵ گوشا

گەرچی بیری کورتە ، خۆشەویستی کردگار

1950

ستایشی یەزدان سەنای پێغەمبەر