دەڵێن: مەحبووبە لێم تۆراوە، ئێستا بۆیە بێ سەبرم
لە کتێبی:
دیوانی ڕاجی
بەرهەمی:
ڕاجی (1912-1969)
1 خولەک
181 بینین
دەڵێن: مەحبووبە لێم تۆراوە، ئێستا بۆیە بێ سەبرم
لە ناشادی دڵم بەرگەشتەیە، نێزیکە گەر بمرم
لەوەی ترسم نییە گەر بەردەبازی ڕاهی عالەم بم
بڵا شەرمەندەیی یارم، کە تۆزی دامەنی بگرم
لە گۆشەی مەحشەرا دێم ڕادەوەستم، تا بە ئاخر دێ
لە ڕێگەی دۆزەخیشا، ڕادەخەم سوججادەیی ئەجرم
ئەتۆ، مەتبووعی حەیوان و نەبات و جەوهەر و عەقڵی
هەتا لێم دوژمنی، مەحزە، لەسەر تۆ دایەیی قەبرم
وتم: تۆ سەروی، با من سەربەسەر بتگرمە ناو باوەش
وتی: سەد ساڵێ مەحشەر ئاگرت تێ بەردەدا، جەبرم
ئیلاهی! سا دەوامی دەی، کە دایم مەی بە گەردوش خا
سکوونم کەی لە وەسڵی یار و ڕێی دەشت و چیا نەگرم
قەڵای بەختم وەکوو ڕاجیناسناوی ئەدەبی، لە هەرجێ سست و ڕووخاوە
لە شاری گاورانا، مونتەزیر بۆ «مووسەکەس» و «خدرکەس»م