سەردانەوە

شەوێک چاوێکی خۆم جێهێشت
لە تاریکیدا، بۆ مەلێک، نابینا بوو
ڕۆژێک دەستێکی خۆم جێهێشت، لە دوای شەڕێ
بۆ درەختێک کە دەستەکانی قرتابوو
جارێک قاچێکی خۆم جێهێشت بۆ ڕێگایەک دوای بۆردومان، کە قاچەکانی نەمابوو
سەردەمێ چوو، سەردەمێ هات
مەل هاتەوە بۆ سەردانم و
باڵ و ئاسمانێکی شینی دامێ
دار هاتەوە بۆ سەردانم و
ڕەگ و خۆشەویستیی سەوزی دامێ
ڕێ هاتەوە بۆ سەردانم و
کلیلی دەرگای دواڕۆژی سپیی دامێ!