بۆ برای بەڕێز مەلا «بایەزیدی مەنگوڕی»
لە کتێبی:
کڵپەی دەروون
بەرهەمی:
مەلا عەبدولڕەحمانی فاتیحی (1930-2002)
3 خولەک
482 بینین
ئەی ڕەفیقی خەمڕەوێنم، مەنگوڕی، کاک بایەزید
ئەی نموونەی ئالی سێمان، ڕۆڵەیی مەرد و ڕەشید
ئەی درێژ و ڕێک و باریک، سەرگەلەی خەڵکی «نەڵێن»
یاڕەبی هەر پایەدار بێ و، بەخت و ئیقباڵت سەعید
کەوکەبی بەختت درخشان و مەقام و مەرتەبەت
ڕوژی ڕووناکت هەمیشە پڕسروور بێ چەشنی عید
زۆر لەمێژە دڵ لە تاوت شین و گریەی پیشەیە
مات و خەمبار و پەرێشان «موی سیاهم شد سفیدفارسی»
ماڵەکەت وەک بەیتی عەنقا، ئیسمە هەر جسیمی نییە
دۆست ئەگەر دۆستی بوێ، فەرقی نییە قورب و بەعید
خۆزگە بەو ساڵەی لە «بێورانشوێن» پێکەوە چون عەندەلیب
ڕۆژ و شەو وێنەی کەوی شاخ دەنخوێند شیعر و نەشید
ژینی ئێستاکەم لەلا سەختە و، لەسەر شان بۆتە بار
سەد هەزار خۆزگەم بە دەوری «کەوکەبی» و «حاجی ڕەشید»
عاشقی چاوی کەژاڵ بووی، چیت دەکرد لەیل و نەهار
یا نە خۆت پیاوی سەفەر بووی، یا لە ڕێدا بوو بەرید
یادی خێری کاتی لاوی هەر دەکەم، من سوبح و شام
تۆش وەکوو من پیر و پەککەوتەی قەدی ئەلفت خەمید
«ئاڵوەتانشوێن» و «کەوپەڕشوێن» و «ترکەششوێن» لەوان تۆ چیت دەکرد
شادەماری شادی تۆ بووی خۆش قسە، عەینی لەبید
ئێستە پیر و پەڕشکستەی ناوێری کۆخەش بکەی
خوشکە «ڕوقیا» لێت دەدا، وەک فیل کە ناڕوا بێ حەدید
بەسیە ئەوجار ڕوو لە هەق کە، مردنت میوانە تۆ
ساز بکە بارگەوبنە، بۆ ڕۆژەکەی وەعد و وەعید
چاوەکەم، تاجی سەرم، کاک بایەزیدەی نوکتەبێژ
ڕووحەکەم، ئارامی گیانم، قالە بایزەی خۆش نەوید
بۆ سەفەر ئامادە بە، تا کەی خەیاڵی هیچ و پووچ
وەک جەهەننەم لرفەتە هاوار دەکەی «هل من مزيدعەرەبی»
ئاگری دۆزەخ دەسووتێ ڕۆژ و شەو بۆ عاسییان
بانگ دەکا ئامادەمە «لكل جبار عنيدعەرەبی»
بۆ چییە؟ پیاو هەر بەجێ دێڵێ مەتاعی بێ نرخ
فەڕش و مافوورە و قسوور و کۆشک و تالاری جەدید
هەر دەڵێی سووتاوە لاقت، نیتە ئارام و قەرار
کاتی تاعەتکردنە نەک هەڵپەیی دنیای پەلید
نێزەکەت چی دی حەواڵەی مەزرەعەی خەڵکی مەکە؟
ڕەنگە هی تۆش کەوتبێ، وەک هینەکەی «عەوڵا سەعید»
ڕۆژ و شەو گرمەت دەهات، وەک جوانەگای «حاجی شەفیع»
«بەردە کەڕ» شاهید بە تۆیە، شینەمەزرای «دۆڵە بید»
جێگەکەم گردئاشەوانە و تەبعی شیعرم زۆر کەمە
زۆر نزیکە سارد و سەرما «فاتیحیناسناوی ئەدەبی»ت لێ بکەن شەهید