ذکر عروج حضرت مقدس نبوی و تشریف قدوم آن سرور به حضایر اُنس و استماع کلام ربانی بر اسرار دو جهانی
لە کتێبی:
روضة الصفا
بەرهەمی:
میرزا عەبدولقادری پاوەیی (1850-1910)
19 خولەک
559 بینین
شەوێ شەریف تەر جە «لَيلة القَدرعەرەبی»
جە فریشتەی خەیر شای «اصحاب البَدرعەرەبی»
حەزرەت جە سەرای ئومم هانی پاک
فارغ بی جە زێکر فەرد تەنیای تاک
خاتر حەزین بی جە گومڕایی قەوم
مەشغووڵ بی جەو دەم بە ئەسباب نەوم
شی نە جامەی خەو چوون سەوڵ ساوا
ناگا وێنەی بەرق جبرەئیل یاوا
وات یا موحەممەد حوکمم ئاوەردەن
پادشای شاهان تۆش تەڵەب کەردەن
فەڵەک ئێنتێزار پابووس پاتەن
مەلائێک یەکسەر چەمەڕای ڕاتەن
«قم بسم الله الرحمن الرحيمعەرەبی»
ڕۆشن کەر ئەفلاک تا عەرش عەزیم
زەمین وە پا بووس پات با پەڕ نوور بۆ
سەر هەردان گشت با سورمەی توور بۆ
جبرەئیل جە نۆ وە ئەدەب دەست بەرد
سینەی موبارەک حەزرەت هەم شەق کەرد
میکائیل وە نوور دەروونش کەم کەم
شوستشان تەمام وە ئاو زەمزەم
مەملوو کەردشان یەکسەر جە حێکمەت
جە ئەسڵ ئیمان ئەمر نبووەت
خوەلاسە ئەو شەو شای «خير البشرعەرەبی»
جە حوجرەی شەریف بەردشان وە بەر
بە چەند شادی و شەوق بە مەیل و وەفا
تا تەشریف بەردن وە مەروە و سەفا
حەزرەت نێگا کەرد بە بوڕاق چوون بەرق
نوورین تەر جە نوور شوعلەی شەمس شەرق
ڕەوان تەر بە ڕەفت جە بەرق ئەنجوم
ئادەمی سوورەت شۆخ تاووس دوم
زین جە زبەرجەد سەر زین حێللەی نوور
ئاڵای مورەسسەع نەم دادەی کافوور
کەفەڵ پۆش جە لاڵ جەواهێر کاری
سینەبەند مەفتوول تافتە مرواری
ڕکاب جە ئەڵماس بن ڕکاب گەوهەر
زیرتەنگ تەڵا، دەور قاڵ ئەحمەر
لوجام دانەبەند، بێ عەیب ئاڵا
کارخانەی لاڕەیب ئوستاد باڵا
یاڵ چوون زڵف خوەر سم چوون قورس خوەر
ساق چوون سیم ساف ناڵ وێنەی قەمەر
دوو باڵ وێنەی باڵ بەیداغ شاهی
بە یەک دەم تەی کەرد جە ماهـ تا ماهی
بوڕاق جەو دەمدا مەکەردش خرۆش
تا جبرەئیل گێرت ڕکابش وە دۆش
میکائیل عەنان موحکەم گێرت وە کەف
جەم بەست نە دەورش مەلایک سەف سەف
جبرەئیل واتش «يا خير البشرعەرەبی»
فەرما سوار بەر بە ئیزن داوەر
سالار مەحشەر شای «لولاكعەرەبی» خەتاب
پای موبارەکش نیا وە ڕکاب
سوار بی وە زین بەرق ئاسای بوڕاق
وە عەزم گەردش گەردوون هەفت تاق
وە ئەمر قادر حەیی ڕەببانی
ڕاهی بی چەنی گرۆی ڕۆحانی
هەر چوار موقەڕێب چەنی پێغەمبەر
مەواتن بەخ بەخ «الله اكبرعەرەبی»
جە ناگا دوو زەرف چوون دوڕ خۆش ئاب
یەکێ پەڕ شیر و یەکێ پەڕ شەراب
یاونان وە سەمع شای «خير البشرعەرەبی»
جەی زرووفاتە یەکێ قەبووڵ کەر
حەزرەت دەرسات دەست پەی زەرف شیر بەرد
«بسم اللهعەرەبی» وات و شیر تەناول کەرد
جبرەئیل واتش یا «خير الأنامعەرەبی»
ئەر تۆ شەرابت بنۆشا نەو جام
زومرەی ئوممەتت بادەخوار مەبی
دمای تۆ یەکسەر گونابار مەبی
«القصةعەرەبی» خەیلێ سەحرا تەی کەردن
جە بادیەی بەڕ بەیدی ویەردن
یەکێ جە یەمین بە ناڵەی خەتەر
وات یا موحەممەد تەوەققوف بکەر
ساتێ من جە تۆ سوئالێ داروون
جواب لوتفت وە چەم مەڎاروون
حەزرەت هیچ نەکەرد زەڕێ مودارا
نەڎا جوابش ویەرد جەو سارا
هەم جە لای یەسار یەکێ دا خەبەر
وات یا موحەممەد تەوەققوف بکەر
سوئالێ داروون بڎەر جوابم
سەحرا گێڵ بیەن جە ئێزتێرابم
حەزرەت ئێلتێفات زەڕێ نەکەرد پێش
پا دا نە بوڕاق ویەرد بێ ئەندێش
دیسان یەک عەورەت شۆخ شیرین ڕاز
وە بانگ بوڵەند بێ شەرم کەرد ئاواز
وات یا موحەممەد ئەسرین مەواروون
لادێ تامڵ کەر نیازێ داروون
حەزرەت هەم بە ئەو نەکەرد ئێلتێفات
ویەرد وێنەی بەرق هەور سەماوات
غەرەز، جەو مەکان بەرشی وە تەعجیل
جەو دما پەرساش ئەو جە جبرەئیل
فەرما یا ئەخی ئەو هەر سێ نەفەر
کێ بین؟ چ کارەن؟ پێم بڎەر خەبەر
«روح الأمينعەرەبی» وات «يا خير البشرعەرەبی»
ئەو دوو سێ نەفەر مەپەرسی خەبەر
بەڵێ ئەوەڵ کەس ڕاعی یەهوود بێ
لەعین بەڎبەخت گومڕای مەردوود بێ
بە تۆ کەردە بێ چوون ڕووی خەتابش
ئەگەر تۆ جەو دەم مەڎای جوابش
ئوممەتت یەکسەر حەرام مەوەردن
وە دین یەهوود عەمەڵ مەکەردن
ئەو شەخس دوهەم هەم نسارا بێ
جە بورج بەختش ئەدبار وارا بێ
ئەر جەو دەم مەڎای جوابش وە دڵ
مورادش وە دڵ گشت مەبی حاسڵ
زومرەی ئوممەتت یەکا یەک جە نۆ
نسارا مەبین گشت جە دمای تۆ
سالێسەن سوئال بەحس ئەو عەورەت
ئەو باڵا عەرعەر شیرین خاڵ و خەت
ئانە دونیای دوون پەڕ مەلالەت بێ
زەوق و زینەتش گشت جەهالەت بێ
ئەگەر تۆ مەڎای بەو تەور جوابش
ئوممەتت مەشی گشت وە ڕکابش
نام قیامەت هیچ نمەبەردن
یەکسەر دنیای دوون قەبووڵ مەکەردن
غەرەز، چەند مەساف ڕاگە تەی کەردن
تا تەشریف خەیر وە جایێ بەردن
جبرەئیل عەرز کەرد «يا خير البشرعەرەبی»
جەی مەکان خاس لادێ پیا بەر
ئینە مەدینە ئاخر جای وێتەن
تەییبەی شەریف هێجرەتگای وێتەن
حەزرەت چوون شنەفت پا ئاوەردەوە
دوو ڕکعەت نما ئەدا کەردەوە
تەشریفش دیسان سوار بی وە زین
تەی کەردن ڕاهان سارا و سەرزەمین
یاوان وە جایێ شیرین دڵگیر
سەنگش سورمە بێ گیاش گشت عەبیر
جبرەئیل جە نۆ ئاما وە گوفتار
عەرز کەرد نە خدمەت شای بوڕاق سوار
وات یە کۆی توورەن خوڎا عەلیمەن
یاگەی موناجات موسای کەلیمەن
ئەو کۆ مەشهوورەن وە «بيت الحكمعەرەبی»
ئەوەن جای مەولوود عیسا بن مەریەم
حەزرەت جە بوڕاق پیا بی دەرسات
جە دەرگای بێچوون کەردش موناجات
رەسم عێبادەت هەم وە جا ئاوەرد
تەشریف هەم وە زین پشت بوڕاق بەرد
زەمین مننەت بار زەمان هەم خۆشحاڵ
بوڕاق وە پەڕتاف جبرەئیل وە باڵ
جە لوتف بێچوون فەرد فەریاد ڕەس
یاوان وە قاپی «بيت المقدسعەرەبی»
«بيت المقدسعەرەبی» زیارەت کەردش
سوجدەی زات پاک بێ زەواڵ بەردش
باز هەم سوار بی پا دا نە بوڕاق
ڕاهی بی چوون بەرق تەی کەردش ئافاق
جە هیچ مەنزڵێ نەکەرد مەواسا
یاوا وە قاپی «مسجد الأقصاعەرەبی»
دیسان هەم جە نۆ پا ئاوەردەوە
سوجدەی زات پاک واحێد بەردەوە
جەمع ئەنبیا و مەلایک تەمام
کەردن ئێستێقباڵ شای «خير الأنامعەرەبی»
جبرەئیل جڵەو گێرت بە دەستەوە
بوڕاق جە قاپی مەسجد بەستەوە
حەزرەت تەشریفش وە ئەندەروون بەرد
عەزم سوجدەگای نمای حاجەت کەرد
سەفەری مێعراج ڕەوەندەی فەلەک
بێ بە پێش نمای ئەنبیا و مەلەک
بەڵام ئەو قاپی بوڕاق پێ بەستە
دەسکار دێوان هەرگێز نەشکەستە
سفیدتەر جە ڕەنگ تەختەی تەخت عاج
مەشهوور بێ نامش وە «باب المعراجعەرەبی»
جەو دەم چەند هەزار فریشتان خەیر
هەم پەرێ تەواف هەم پەی سەفا و سەیر
ئامان وە خدمەت شای «خير الأنامعەرەبی»
یەک یەک جە حزوور کەردشان سەلام
واتن یا ڕەسوول ئەوەڵ و ئاخر
یا موحەممەد یا، شەفیع حاشر
تا حەزرەت پەرسا جە «روح الأمينعەرەبی»
واتش یا ئەخی برای دنیا و دین
مەعنی ئی سەنا و تەحییەت چێشەن
پەنەم واچە ڕاس دڵ وە ئەندێشەن
جبرەئیل عەرز کەرد «يا خير الأنامعەرەبی»
مەعنی تەحییەت ئێڎەن جە کەلام
بەنای ئەوەڵ و ئاخر گشت تۆنی
هەم خەتم خاتەم ئەنبیا تۆنی
بە شافێعی تۆ قەهر مەبۆ دەفع
حەشر و قیامەت بە تۆ مەبۆ ڕەفع
قوم یا موحەممەد دێرەن دیارەن
ئیسە پەی ئامات حەق ئێنتێزارەن
خێزا جە مەسجد وە بێ مودارا
دەست حەزرەت گێرت بەردش وە سارا
دیش نەردەبانێ ئاڵای شەرەفناک
دوو پاش جە زەمین سەرش جە ئەفلاک
یەک لاش زوموڕود شیرین دڵبەر
یەک لاش هەم مەرجان یاقووت ئەحمەر
پایەش یەکا یەک جە دوڕ مەکنوون
سازان وە یەک دەم پادشای بێچوون
فەوج فەوج فریشتان لەتیف ئاڵا
مەیان وە پایین مەشان وە باڵا
حەزرەت تەشریفش چەنی جبرەئیل
هەر بەو نەردەبان ویەرد وە تەعجیل
جە تەوفیق زات حەی بێ بەدەڵ
یاوا وە ئەیوان گەردوون ئەوەڵ
قەوڵێ واچیان جبرەئیل وە باڵ
حەزرەتش هۆرگێرت وە بێ قیل و قاڵ
بێ غوسسە و خەیاڵ وە بێ وەسواسە
بەرد وە ئاسمان وە یەک هەناسە
جبرەئیل دەرسات خواجە بێدار کەرد
دەنگ «دق البابعەرەبی» جە کەیوان ویەرد
دەردەم قاپی وان پەرسا تۆ کێنی؟
مەگەر جە مەخلۆق ڕووی سەرزەمینی؟
جواب دا کە من «روح الأمينعەرەبی»م
مەئموور مورسەل ئەهل زەمینم
دیسان واتش کێن ئانە چەنی تۆ؟
وات موحەممەدەن شای فریشتە خۆ
واتش مەگەر حەق ئەو تەڵەب کەردەن؟
وات بەڵێ ئێحزار پای پشت پەردەن
واتش مەرحەبا وەش ئامای سەد جار
سەڵوات دا وە ڕووی موستەفای موختار
قاپی ئاسمان دەرسات کەردەوە
سوجدەی نوور پاک حەزرەت بەردەوە
تەشریف بەرد وە بان ئاسمان ساف
چەرخ چەپی واز، بەرز بێ تەناف
حەزرەت شەخسێ دی تەمام موبارەک
وێش پەی ئێستێقباڵ کەردن تەدارەک
جبرەئیل جە نۆ وات بە پێغەمبەر
ئانە ئادەمەن شای «ابو البشرعەرەبی»
ئاخر باباتەن سڵام بکەر لێش
موژدەی ڕێسالەت وێت هەم بڎەر پێش
حەزرەت سڵام کەرد شای «ابوالبشر»
ئادەم سەندەوە سڵام جەو سەروەر
واتش مەرحەبا فەرزەند ساڵح
قەزات وە فەرزەند سەد هەزار تاڵح
وەش ئامای سەروەر گشتین سەروەران
ئەی خەتم جوملەی گشت پێغەمبەران
حەزرەت دیش جە لای دەست ڕاست ئەو
بۆی عەترش مەیۆ وێنەی شەوبۆی شەو
دەربێ جە لای چەپ ئەو هەم دیارەن
بۆی عەفوونەتش چوون بۆی مەردارەن
ئادەم جەو دەمدا نام حەق مەبەرد
گاهێ مەگرەوا گا خەندەش مەکەرد
حەزرەت پەرسا کەرد جە «روح الأمينعەرەبی»
فەرما کە ئەی پەیک «رب العالمينعەرەبی»
ئادەم یە پەی چێش جەرگش بریانەن
گاگا نە خەندان گا نە گریانەن؟
ئەو دەرب بۆ خۆش چەنی ئەو بۆی بەد
ڕەمز ئەو چێشەن دانای خێرەدمەند؟
جبرەئیل عەرز کەرد واتش یا خاتەم
ئەو دەرب بۆ خۆش لای ڕاس ئادەم
هەر جە ڕۆی ئەزەڵ نوور پێدا وەشتەن
قەریب وە ڕێزوان ڕەوزەی بەهەشتەن
ئەرواح پاکان ئەولاد ئادەم
سەعادەت مەندان موبارەک قەدەم
یەکسەر بەو ڕا دا مەکەران گوزەر
مەشان وە بەهەشت وە بێ دەردسەر
جەو بۆنە ئادەم گاهێ خەندانەن
خەندەش جە شادی ئەو فەرزەندانەن
ئەو دەرب بەد بۆ لای یەسار ئەو
ڕاگەی دووزەخەن چوون زوڵمات شەو
ئەرواح خەبیس ئەشقیای بەدخۆ
نەو جاگە یەکسەر وە دووزەخ مەشۆ
ئادەم پەی ئەوان خاتر مەحزوونەن
جەرگش چوون بریان دەروون پەڕ هوونەن
زومرەی قودسیان موکەڕەم یەکسەر
ئامان وە پێشواز شای «خير البشرعەرەبی»
ماهـ و خوەر چەنی برجیس و بەهرام
بووساشان ڕکاب شای «خير الأنامعەرەبی»
عەتارود ڕەقەم وێش کەرد فەرامۆش
حەڵقەی غوڵامیش دەرسات کەرد نە گۆش
سەبعەی سەیارە سورەییا و زوحەل
بین وە پایەنداز موستەفای مورسەل
شێعر یەمانی چوون شوعرای تەڕدەست
جە کتابچەی مەدح سەنا نەقشش بەست
غەرەز، جە سەرتاق گەردوون دنیا
کۆس فەزیلەت ئەحمەدی ژنیا
جەو دما وە حوکم پادشای جەلیل
حەزرەت شی وە پشت باڵ جبرەئیل
چوون تەیر تیزباڵ یا بەرق ڕۆی تەم
بەردش وە پای تاق ئەفلاک دووهەم
بەعد ئێستێفتاح گفتوگۆی مەلەک
مەفتووح بی قاپی سەر بەستەی فەلەک
تەشریف بەردشان وە تاق زەڕ نەخش
جوق جوق فریشتان نە دەورش بین پەخش
گشت پا بووس پای حەزرەت کەردشان
جە شادی سوجدەی شوکر بەردشان
حەزرەت دوو جوان جەو دەم دی وە چەم
هەر دوو مەدرەخشان وێنەی شوعلەی شەم
دیسان هەم پەرساش جە «روح الأمينعەرەبی»
وات ئی دوو نەفەر شەریف پاک دین
نامشان چێشەن؟ ئەسڵشان جە کۆن؟
ڕاز نەهانی کەشفش هەر وە تۆن
جبرەئیل عەرز کەرد بێ زیاد و کەم
واتش یەکێشان عیسا بن مەریەم
بزورگ مورسەل یاگەی ئومێدەن
جە ئولولعەزمان یەکێشان ئێڎەن
ئەو یەک خۆ جە عەرش نامش هەم نریان
یەحیا پێغەمبەر ئێبن زەکەریان
چوون پێغەمبەرن سڵام کەر لێشان
حوکم ڕێسالەت ئێزهار کەر پێشان
شای شەفاعەت خوا سالار مەحشەر
شی کەردش سڵام ئەو دوو پێغەمبەر
جە دمای جواب سڵام و سەفا
کەردن تەوازوع چەنی موستەفا
جبرەئیل عەرز کەرد «يا خير البشرعەرەبی»
ئێنتێزار تۆن دەهندەی داوەر
حەزرەت سوار بی جبرەئیل وە باڵ
بوڕاق ڕاهی بی وێنەی بای شەماڵ
وە تەوفیق زات دارای موعەززەم
یاوان وە پای تاق گەردوون سێهەم
وە تەور سابق جە بابان ویەرد
گفتوگۆ چەنی دەربانان گشت کەرد
موژدەی ئامای خەیر حەزرەت دریاوە
قوفڵ قاپی چەرخ هەر هەفت کریاوە
جە سەمای سێهەم شای «خيرالأنامعەرەبی»
یوسف دی وە چەم «عليه السلامعەرەبی»
وە حوکم فەرمان «رب العالمينعەرەبی»
یاوان وە پای تاق چەرخ چارومین
حەزرەت دیا دیش جەناب ئێدریس
مەشغووڵەن دایم وە ئەمر تەدریس
جە چەرخ پەنجوم شای ئەعلا سێفات
هەم چەنی هاروون کەردش مولاقات
مەهمیز دا مەرکەب بەرق ئاسای بوڕاق
نەکەردش مودار تا چەرخ شەش تاق
حەزرەت نگا کەرد بەو دیدەی مەخموور
دیش موسای گوستاخ کەلیم کۆی توور
دمای گفتوگۆ گشت سەفا و سڵام
تەعجیل کەرد حەزرەت شای «خير الأنامعەرەبی»
سەماوات تەی کەرد هەر شەش وە بێ غەم
تا یاوا وە تاق گەردوون هەفتەم
جەو دما موسا جە دەرگای باری
دەم دەم مەناڵا مەکەردش زاری
مەلایکان وات دڵ وە ئەندێشەن
یا موسا سەبەب زاری تۆ چێشەن
واتش جوانێ تازە پێ یاوا
زەمین تا کە عەرش بەو مەبۆ ئاوا
نام ئوممەتش گشت نە دەفتەرەن
یەقین جە ئوممەت من زیاتەرەن
ئەغڵەب گشت ڕەوزەی ڕێزوان جاشانەن
«جنات تجريعەرەبی» مەنزڵگاشانەن
بەڵام ئەو زاری جە حەسەد نەبێ
زاهێر جە ئەقوام قەوم وێش مەبی
حەزرەت جە گەردوون ئەفلاک هەفتەم
چوونکە ئێبراهیم خەلیل دی وە چەم
هەم بە ئێشارەی ئەخی جبرەئیل
حەزرەت کەرد سڵام وە تاو تەعجیل
ئێبراهیم واتش مەرحەبا سەد جار
فەرزەند ساڵح «سید الأبرار»
حەزرەت گوزەر کەرد جە «بيت المعمورعەرەبی»
سوجدەگای مەلەک سەر تا پا جە نوور
جبرەئیل یەک یەک ڕەهنموون کەردش
تەشریف وە «صدر المنتهىعەرەبی» بەردش
سێدرە یەک درەخت جای جبرەئیل بێ
وەڵگ ئەو درەخت چوون گۆش فیل بێ
ئەسمارش وێنەی شاخ حەجەر بێ
جە تووبا و بەهەشت ئەو بوڵەندتەر بێ
جە بێخش چەهار جۆیێ ئاب ڕەوان
شەوان تا وە ڕۆ دایر بین دەوان
دووشان پەنهان بین ئەو دووشان زاهێر
زولال و بێ عەیب شیرین و تاهێر
ئێستێفسارش کەرد جە «روح الأمينعەرەبی»
پەی ئەو چەهار نەهر ئاڵای بێ قەرین
جبرەئیل عەرز کەرد «يا رسول اللهعەرەبی»
وات ئەو چەهار جۆ بە ئەمر ئەڵڵا
ئەو دوو نەهانی مەشان وە بەهەشت
پەی حەوز و حەیات پەی سەفا و گوڵگەشت
ئەو دوو زاهێری کەسیر و قەلیل
یەکێ فوراتەن یەکێشان هەم نیل
وە دنیا مەشان مەعلووم بۆ وە تۆ
عەرزم هەر ئێڎەن جەسارەت نەبۆ
حەزرەت جە سێدرە هەم کەردش خرووج
ڕوو نیا وە شاد نە ڕاگەی عرووج
نەو جا جبرەئیل وە بێ چوون و چەند
حەزرەت ڕاهی کەرد وێش هەم بە جا مەند
حەزرەت نگا کەرد پەرێ جبرەئیل
فەرما یا ئەخی پەیک شای جەلیل
پەی چێش ڕەفاقەت وە سەر نەوەردی
ئاخر چەنی من تەخەللوف کەردی؟
جبرەئیل عەرز کەرد «يا خير البشرعەرەبی»
وەی تەور دان قەرار دەهندەی داوەر
ئێمە گشت یەکسەر فەرمان بەردارین
هەر یەکێ مەقام مەعلوومێ دارین
حەرەکە و قووەی باڵم نەمەندەن
تەوانا و تاقەت حاڵم نەمەندەن
تۆ جە عەرز من نەبی موکەددەر
ئەر زەڕێ نەی جا پا بنیەون نە وەر
جە شوعاع نوور تەجەللای ئەقدەس
سەر تا پام تەمام مەبۆ وە قەقنەس
وەر نە من ڕۆحم نە قەدەمگاتەن
جە هیچ خۆف نەکەی خوڎا هام ڕاتەن
رەسوول ئێڎ شنەفت جە «روح الأمينعەرەبی»
ڕوو کەرد ئەو هەوا وە خاتر حەزین
وە تەوفیق زات تاک تەنیای فەرد
حەزرەت وە تەنها چەند حێجاب تەی کەرد
یاوا وە جایێ سەخت ناهەموار
بوڕاق خەستە بی پا وست جە ڕەفتار
ناگا زاهێر بی ڕەف ڕەفێ جە غەیب
سەر تا پا ئەخزەر نوورین بێ عەیب
ئاما نێدایێ سەریح چوون عەرەب
واتش «لا تخف يا احمد إركبعەرەبی»
سوار بی حەزرەت هەی کەرد وە ڕەفڕەف
ماما نە ڕاگەش مەلایک سەف سەف
بۆساشان ڕکاب ئاڵای پەسەندش
گێرتشان دامەن سەعادەت مەندش
وە یەک سات جە چەند حێجابات ویەرد
ڕاگەی پانسەد ساڵ لامەکان تەی کەرد
حامڵان عەرش کەڕووبی تەمام
ئامان وە پێشواز شای «خير الأنامعەرەبی»
یەکا یەک بووسان نەعلەین پاکش
کەردن زیارەت حەڵقەی سیواکش
غەرەز، تا یاوا بە عەرش عەزیم
لەرزا جە هەیبەت، فراوان کەرد بیم
ئاما نێدایێ جە شای «ذو الجلالعەرەبی»
«تعال لا تخف، يا حبيب تعالعەرەبی»
جە عەرش عەزیم قەترەیێ وە دەو
تکیا وە تۆی حەڵق هومایوون ئەو
جەو سەبەب عێلم ئەوەڵ و ئاخر
جە سینەی حەزرەت یەکسەر بی زاهر
هەر دەم نێدایێ جە شای بێ ئەندێش
ماما یا ئەحمەد پا بنیەر وە پێش
حەزرەت بەو تۆمار هەر بەو تاجەوە
کەم کەم تا تەک دا وە مێعراجەوە
لەرزا جە هەیبەت چوون تووڵ ساوا
وە «قاب قوسين أو أدناعەرەبی» یاوا
ئاما سەڎایێ زەحمەت نەبۆ لێت
وانە تەحییەت پاک خوڎای وێت
ڕەسوول وە ڕوخسەت دانای تەوانا
«التحيات للهعەرەبی» وانا
جە نۆ فەرما پێش بینای بان سەر
«سلام عليك يا خير البشرعەرەبی»
سڵام حەزرەت عێززەت ستانا
«و علي عباد الله الصالحينعەرەبی» وانا
مەلایکان گشت کەردشان خەتاب
یەکسەر جەو دەمدا ئامان وە جواب
شاهدی داشان بە خوڎای ئەکبەر
هەم بە ڕێسالەت پاک پێغەمبەر
جەو دما حەزرەت مەتڵەبان بەس بەس
یەکا یەک عەرز کەرد وە زات ئەقدەس
گفتوگۆی عەزیم جە دەرگای غەففار
شنەفتش جواب لوتف بێ شومار
جە باب ئوممەت حەزرەت هەم عەرز کەرد
حەق پەنجا ڕکعەت نما لێش فەرز کەرد
وە چەند عاتێفەت عەتای ڕەببانی
موخلەع وە لوتف زات سوبحانی
ڕوخسەت تەڵەب کەرد جە دانای جەلیل
موراجێعەت کەرد وە لای جبرەئیل
«روح الأمينعەرەبی» شی وە ئێستێقباڵش
سەڵوات دا وە نوور جەلای جەماڵش
دەست حەزرەت گێرت وە عەزم گوڵگەشت
بەردش وە سەیران گوڵباغچەی بەهەشت
حووریان ئامان گشت وە پێشوازش
گیان و دڵ کەردن وە پایەندازش
توحفە و لەزایز فاخرەی بەهەشت
یەکسەر دی وە چەم ئەوزاع هەر هەشت
غەرەز سەیرش کەرد هەر تا کە تاوا
دووزەخ وە نەزەر شەریفش یاوا
ئەهل دووزەخی گرۆی بەڎبەختان
تەبەعەی شەیتان ئایرین ڕەختان
ئەحواڵ یەک یەک وە نەزەر ئاوەرد
پەی گوناباران کێشا ئاهـ سەرد
جە وەخت عەودەت ڕاگەی خۆف و بیم
جەو دەمدا یاوا بە موسای کەلیم
تا «كليم اللهعەرەبی» عەرز حەزرەت کەرد
پەرسا پەی ئوممەت فەرزت چێش ئاوەرد
وات پەنجا ڕکات جە یەک شەو و ڕۆ
ئەدای نمای فەرز مەعلووم بۆ وە تۆ
موسا وات موشكڵ مەزانە ئاسان
من خەڵقم جە تۆ زووتەر شناسان
بەنی ئێسرائیل ئیسە گشت مەردەن
من گشتم یەکسەر ئێمتێحان کەردەن
ئوممەتان تۆ چوون ئاخر بەرەن
جە باقی ئوممەت گشت زەعیف تەرەن
هەرگێز نەداران قووەی پەنجا فەرز
تا مەحشەر پێشان گشت مەبۆ وە قەرز
بشۆ دماوە جە قاپی داوەر
وە هەر سوورەت بۆ تەخفیفێ باوەر
حەزرەت دووبارە گێڵاوە ئەو پەس
دیسان پەنا بەرد بە دەرگای ئەقدەس
عەرز کەرد جە قاپی پادشای غەففار
واتش ئوممەتم زەعیفەن بێچار
نەداران قودرەت مەعاش وێشان
پەنجا فەرز نماز زیادەن پێشان
حەق فەرما بیست فەرز تەخفیف عەین بۆ
بەنا بە خاتر هومایوون تۆ
حەزرەت سوجدەی زات شای بێ زەواڵ بەرد
هەم وە لای موسا موعاوێدەت کەرد
دیسان پەرسا لێش کەلیم کۆی توور
واتش چێشت کەرد جە لای شای غەفوور
فەرما کەرەمدار چەنیم کەرەم کەرد
مێقدار بیست فەرز تەخفیفم ئاوەرد
«كليم اللهعەرەبی» وات زیادەن حاڵا
دیسان تەشریفت بشۆ وە باڵا
ئەرسەد کە پەی تۆ مەبۆ بە زەحمەت
بەڵ هەم باوەری تەخفیف پەی ئوممەت
غەرەز، تا سێ جار شای گەردوون بەیدەق
تەشریف بەرد وە پای قاپی بەرز حەق
شای بوڕاق سوار بە چەند دەرد و ڕەنج
ئاخر پەنجا فەرز یاونا وە پەنج
موسا عەرزش کەرد یا «خير البشرعەرەبی»
دیسان پەی تەخفیف بۆ هەم تەشریف بەر
حەزرەت دا جواب شیرین تەر جە قەند
هەر چی خواهێش کەم جە لای خوڎاوەند
قەبووڵ مەکەرۆ بینایی چاوان
عەتاش عەمیمەن لوتفش فراوان
بەڵام جەی فێشتەر خاس نیەن تەکلیف
شەرمەن هەم دیسان بشوون پەی تەخفیف
جەو دما وە شاد موراجعەت کەرد
تەشریف وە سەرای «أم هانی» بەرد
قاپی فتووحات کریا و دریاوە
هێمای حەڵقەکەش هەر مەلەریاوە
تۆی ئەسباب نەوم پەڕ تەدارەکش
جێوان شەریف جای موبارەکش
هێمای عەتر هەڵم گەرمیش باقی بێ
گەرمی ڕوتبەی بەرز وەش دەماخی بێ
یا حەق بە حاجەت ئێسم عەزیمت
بە قەدر و جەلال زات قەدیمت
بە نوور ڕەسوول ساحێب تەخت و تاج
ئەو شەو وە عێززەت بەردت وە مێعراج
عەبد وێت قادر کۆی گونابارەن
عاسی ڕوو سیا هەم شەرمەسارەن
ببەخشش بە فەزڵ بێ پایان وێت
وە عەفو عەزیم نمایان وێت
ئومێدش نیەن مێقدار یەک موو
یا ئەڵڵا بەغەیر جە «لا تقنطواعەرەبی»