ذکر بعضی علامات که قبل از تولد آن محمل نشین قافله‌ی انبیا در مدت حمل نبوت پیوست
لە کتێبی:
روضة الصفا
بەرهەمی:
میرزا عەبدولقادری پاوەیی (1850-1910)
1 خولەک
548 بینین
کەسێ نەواچۆ ئینە چ عەقڵەن
جە ئێبن عەبباس وەی تەورە نەقڵەن
ئەو ڕۆ حەقیقەت نوور موحەممەد
حەبیب ئەزەڵ، گوزیدەی ئەبەد
یاوا وە بەتن ئامینەی وەهەب
نمایان بی چوون ڕۆشنی کەوکەب
جوملەی کاهنان کەهانەت ئاسار
گرۆی ڕەهبانان فەراسەت شعار
ئەهل مونەججێم کەوکەب شوماران
ساحران دەور سەلیقە داران
گشت موتتەلێع بین عەرەب تا عەجەم
مەغرێب تا مەشرێق بێ زیاد و کەم
واقێعەی زهوور خواجەی کائێنات
گشت خەبەر داشان جە گشت ئێقلیمات
باقی ئەجناسات وحووش و تیوور
ئەغنام و ئەشجار، مورغ و ماهی و موور
گشت وە یەکدیگەر بەشارەت داشان
ئەساسەی تەرەب شادی نیاشان
واتشان دنیا ها وەختەن یاوا
بە نوور حزوور حەزرەت بۆ ئاوا
غەرەز، حەیوانات قورەیشی و حێجاز
زەریف وە یەکتر مەکەردن ئاواز
دایەی موحەممەد سەفا مەویارۆ
جە بەتن پاکش موحەممەد دارۆ
یەک یەک مەواتن خۆشا بە حاڵش
خەیلێ بوڵەندەن پایەی ئێقباڵش
وەختەن، نزاوەن، ئەعلای حزوورش
دنیا مونەووەر ببۆ جە نوورش
خوڎا عادڵەن موحەممەد ئەمین
سێراجەن پەی فەوق، بەدرەن پەی زەمین