zikir bi’zî ’ilamat kih qibil az tuld an miḧmil nişîn qafley anbya dir midit ḧimil nibut pîwist
From the Book:
Rewzetul Sefa
By:
Mirza Ebdilqadir Paweyi (1850-1910)
1 minutes
364 views
kesê newaço îne çi ’eqłen
ce êbin ’ebbas wey tewre neqłen
ew řo ḧeqîqet nûr muḧemmed
ḧebîb ezeł, guzîdey ebed
yawa we betin amîney weheb
nimayan bî çûn řoşnî kewkeb
cumley kahnan kehanet asar
giroy řehbanan feraset şi’ar
ehil muneccêm kewkeb şumaran
saḧran dewr selîqe daran
gişt muttelê’ bîn ’ereb ta ’ecem
meẍrêb ta meşrêq bê zyad û kem
waqê’ey zihûr xwacey ka’ênat
gişt xeber daşan ce gişt êqlîmat
baqî ecnasat wiḧûş û tyûr
eẍnam û eşcar, murẍ û mahî û mûr
gişt we yekdîger beşaret daşan
esasey tereb şadî nyaşan
watşan dinya ha wexten yawa
be nûr ḧizûr ḧezret bo awa
ẍerez, ḧeywanat qureyşî û ḧêcaz
zerîf we yektir mekerdin awaz
dayey muḧemmed sefa mewyaro
ce betin pakiş muḧemmed daro
yek yek mewatin xoşa be ḧałş
xeylê bułenden payey êqbałş
wexten, nizawen, e’lay ḧizûrş
dinya munewwer bibo ce nûrş
xuđa ’adłen muḧemmed emîn
sêracen pey fewq, bedren pey zemîn