dir byan xwab dîdin ’ibdalimtilb û bih nizd kahin riftin û ti’bîr dadin aw
From the Book:
Rewzetul Sefa
By:
Mirza Ebdilqadir Paweyi (1850-1910)
2 minutes
617 views
şewê ce şewan şî ne camey xwab
ser nya we ban muttekay sencab
ce xaw da dîş yek zencîr zeř
temam şerq û ẍerb miłk beḧir û beř
we emir bêçûn pak êlahî
poşan řûy zemîn ce me ta mahî
ser ḧełqeş ce ban peşt ew benden
somaş ce somay aftab senden
naga ew zencîr peř zîb û zîwer
tebdîl bî be yek dirext exzer
bełam ew dirext pakîzey qeşeng
çem werden çenî mêwey řengawřeng
dû pîr kamił nûranî xoş bext
nîştebên her dû ce pay ew dirext
cew waqê’ate kerdiş te’eccub
nêda kerdin lêş ya «’ibdalimtilb»
bextit bułenden kewkebit berzen
burc tali’it sed hezar terzen
ta persa lêşan namtan çêşen?
cey ’ecaybat dił we endêşen
yekêşan wat nûḧ «nicî alilhArabic» nan
ew wat êbrahîm «xilîl alilhArabic» nan
watşan î dar peř badey sawa
peşt be peşt aman ha we to yawa
hêmay new hałen neyawnaş ber
pey to ta meḧşer mebexşo semer
«’ibdalimtilbArabic» serasîme war
ce xaw şîrîn dersat bî bêdar
’ereq ce ferqiş meřêza taw taw
şî we lay kahin pey te’bîr xaw
derlad pey kahin xawiş eda kerd
kahin ce endêş kêşa ah serd
watiş î xawe esłî û te’bîren
ane şexsêwen řoşin zemîren
me’lûmen ce peşt to peyda mebo
ce qaf ta we qaf huweyda mebo
têẍ mu’cêzeş çûn birêqey berq
xara şikafen ce ẍerb ta we şerq
cumley mexlûqat dinya seranser
be ê’caz ew mebo musexxer
muqîman fewq giroy melekût
saknan setiḧ dayrey nasût
ẍaşyey emirş mekêşan we doş
ḧełqey ẍułamîş mekeran ne goş
zencîr delîlen pey eḧkam dîn
ḧełqeş ummeten silsilen çîn çîn
dirext şahêwen «cedîd alawsulArabic»
hergêz ce dareyn nimebo me’zûl
her kes ce emirş xelaf kar mebo
wêney qewm nûḧ giriftar mebo
ray xêlel nyen ce nibuwetiş
şafê’en pey gişt giroy ummetiş
delîlen, řehber, řasen, řehnimûn
ha wexten beyo we řûy dinyay dûn
te’bîr xawit xwelasey kelam
her êđen watim baqî ûەالسّelamArabic