dir byan amdin fatimh dixtir padşah şam bih mikih bih amîd wisal ’ibdalilh
From the Book:
Rewzetul Sefa
By:
Mirza Ebdilqadir Paweyi (1850-1910)
7 minutes
408 views
cew dima şexsê fatme nam bê
ferzend ’ezîz padşay şam bê
ce ’êlim nicûm temam huşyar bê
xeyr û şeř yekser ce laş dyar bê
mezanaş dinya emin û emanen
wadey peyẍember axir zemanen
ce sulb şexsê saḧêb meraqêb
yekê ce ewlad «’ibdalimtilbArabic»
her cew dûdman mebo bo peyda
wexten ce ’ałem bibo howeyda
xulasey kelam melekey şamî
şay nazenînan namyey namî
hefit qetar uştir xezêney medfûn
yeẍđan gişt lebřêz ce duř meknûn
dane û mirwarî, yaqût û ełmas
pesendîdey tebi’ cewahîr şinas
genc bê saman xerwar we xerwar
ferma qetar çî qetar kerdiş bar
badyey ’ereb beydyan tey kerd
ta menził we lay şar mekke berd
salar řêndan, delîley řem kêş
horda baregay xeyme û xergay wêş
cew dem ’ebdułła ce řagey şikar
murace’et kerd amawe pey şar
naga banûy şam dîş wêş asa
gewher şinas bê, gewher şinasa
axêz kerd ne ca walî zadey beř
xerama we naz çûn lewlaw teř
şî gêrtiş ciłew ’ebdułła we naz
watiş pya ber ey yar diłwaz
’ebdułła ce esb pa awerdewe
çenî diłber şî we toy perdewe
tek da we ban ferş ałay řengařeng
xeylê ḧeyran mend cey destigay qeşeng
ce naga ew şox des berd pey serpoş
çûn hewr ne řûy mang niqab wist ne doş
wêş we ’ebdułła zerîf nimana
çend genc û gewher, çend efsûn wana
watiş min ne şam ’ezim to kerdim
pey to ce şahî ḧêcaz wiyerdim
î gişt barxane û metay giranbar
eqmeşey bê ’eyb, duř şahwar
temamî yekser pey tom awerden
emwalim be to gişt tufeyl kerden
wêm xo hem me’rûf melekey şamim
meḧbûb afaq mwanan namim
pey to berşyen ce ḧed êxlasim
me’lûm to pey min, min pey to xasim
cifit min û to her nyen ce kon
kałay min layeq her we bałay ton
we ayîn wêt to min dyarî ker
el’an nêkaḧim pey wêt carî ker
’ebdułła watiş bełê melîḧen
guftarit serîḧ, qewłit seḧîḧen
bełam bê řuxset îcazey pider
nimebo pey min hergêz muyesser
«’ibdalimtilbArabic» her new’ê řeyşen
serdar sengîn mekke û qureyşen
êmşew ne xidmet ew bizurgewar
mezmûn metłeb mekerûn êzhar
her çî qerar da ferda hem ce no
fermûdey emirş mawerûn pey to
êđ wat û xêza çûn sewł sawa
swar bî we esb we menził yawa
pya bî derlad selaḧ kend ce wer
ama we menził amîney diłber
yekê perwane yekê wêney şem
çûn guł û bułbuł wasił bîn we hem
ew şew we meylan bînay bê endêş
nûr muḧemmed yawa we cay wêş
ber şî ne cebhey ew ’alî neseb
kewt we betin pak amîney weheb
derlad zyad bî ḧusin û cemałş
yawa be eflak payey êqbałş
’ałem gişt temam bîn sena xwanş
mutî’ be ferman emir û fermanş
«’ibdalimtilbArabic» meşî we małş
pey pey mepersa ḧał û eḧwałş
be’d ’ebdułła sucdey pider berd
qisey melekey şamş gişt ’erz kerd
«’ibdalimtilbArabic» we bê çûn û çend
wat er teqdîrş kerden xuđawend
ba’ês nimebûn, ’eybê nedaro
bişo bwîneş ce no hem aro
’ebdułła derlad xêza be zûdî
lwa we ser wext we’dey mew’ûdî
daxił bî ne toy xeymey la cewerd
çenî fatme sebbaḧelxeyr kerd
watiş metłebim ’erz pider kerd
ferma we řezay tak tenyay ferd
herçî ce lay ḧeq muqedder byen
mebo her bibo tedbîrş nyen
«’ibdalimtilbArabic» selaḧ dan ce no
min hem meylim hen we nêkaḧ to
çûn melekey şam timaşay ew kerd
dû sê car pey pey kêşa ah serd
zana nemenden nûr ce pêşanîş
multefêt nebî be mêhrebanîş
watiş min ’aşiq şewq ew nûr bîm
nek we ’eyş û noş şewher mesrûr bîm
be xuđa meylî min ne nefsanî bê
ne hewa û hewes ne şeytanî bê
meqsûdim her nûr ew nibuwet bê
ew deryay kerem ew fituwet bê
ḧeq neđaş we min çûn meyl wêşen
řezaş bew tewren faydeş çêşen
fewrî xeraman xuđaḧafêz kerd
barxaney řengîn wêş bar kerd û berd
ta yawa we şam her bew diłey řêş
na’umêd pał da we butxaney wêş
bełam amîne û ’ebdułła we hem
daym mewsûl bîn çûn perwane û şem
her şew ta we sub, her sub ta êwar
ladê we bê yek nebêşan qerar
ta ke amîne ’êsmet penahe
çûn ḧemiłş yawa we çwar mahe
«’ibdalimtilbArabic» daym ce her ḧał
mekerdiş xel’et mepersaş eḧwał
ta şeş mah wiyerd ew sewł sawa
nêdayê ce ẍeyb we goşiş yawa
watiş amîne mujde bo we to
ḧemił şerîfit ferzendê mebo
giroy melekût ce nam namîş
mekeran ne goş ḧełqey ẍułamîş
fêşter ce mexlûq dinya seranser
mebo ummetiş ta «yum alimḧişirArabic»
mayey ḧemił wêt zerîf bizane
nam şerîfiş muḧemmed wane
xwerşîd nûrş we to ’eyanen
bizan pêẍember axir zemanen
amîney weheb sucdey şukirş berd
derlad we «’ibdalimtilbArabic» ’erz kerd
watiş awazê ama ne goşim
mezmûnş hełay neşyen ce hoşim
«’ibdalimtilbArabic» muqedder ew řo
wat be ’ebdułła, ferzend! mebo to
bişî medîne we şadmanî
xurma bawerî perê mizganî
amîne ḧemiłş xeylê pesenden
yeqîn ferzendê se’adet menden
be qewł mektûb kahnan kar
řemz ew ferzend gişt kerden êzhar
ta mu’awdet fesił amay to
nezdîken hem wezi’ ḧemił ew bibo
ersed hewa germ řaget hem dûren
ferzend! we zeban ferzend zerûren
’ebdułła we emir fermûdey pider
řagey medîneş derlad gêrit ne wer
naqey can baziş perwaz da we bał
řahan tey mekerd wêney bay şemał
ta çend řo we şar medîne yawa
xaster ce řewzey «cinit almawaArabic»
ce naga derdê naził bî perêş
bêzar bî ce zewq zêndeganî wêş
ta axir şerbet sekeratiş çeşt
řoḧiş perwaz kerd pey řewzey beheşt
ẍerez, ew nemam newtûł sawa
’umir şerîfiş we sî sał yawa
berşî cey dinyay melał matem
dîdar ferzend wêş nedî we çem
çenî ḧesretan dax û derdewe
ser nya we xak syay serdewe
cew dima şexsê we ah û nałe
daş we «mitilbArabic» î bed hewałe
«’ibdalimtilb ana lilhArabic» wend
metlya we zam merg ew ferzend
amîney bê ’eyb new ’erûs no
ko bî we bałaş koy xeman ko ko
take dû sê ma tazye dar bê
řo ce řo fêşter zar û zigar bî
«’ibdalimtilbArabic» qametiş xem werd
şewan ta we řo her zarî mekerd