amdin yihudyan şam bih qisd qitil ’ibdalilh dir kinar şihir mikih û şikist xurdin ayşan
From the Book:
Rewzetul Sefa
By:
Mirza Ebdilqadir Paweyi (1850-1910)
4 minutes
590 views
cew dem heftad kes yehûdan şam
gişt dilêr dilêr merd xûn aşam
gişt lêw ẍerez, we dendan gestin
gişt kemer pey qetił ’ebdułła bestin
swar bîn we cext hey kerdin we dew
qetre dan ce qîn, yełẍar dan we şew
ta we yek cebel mekokey zerîf
yek sa’et qerîb we mekkey şerîf
cew dem ’ebdułła we ’ezim şikar
swar bî we esb ta berşî ce şar
yawa bew cêgay kemîngay êşan
ewanîç hem dîn neçîr wêşan
cew dem hem «wihb bin ’ibdalminafArabic»
ce şikargay wêş esb međa piřtaf
dîş heftad swar peř sam sengî
yehûd bê şerim dilêr cengî
dad wazan dad, dilêran kar
dewr ’ebdułła gêrtin çûn ḧesar
wehb ce ẍîret tund bî nehadiş
çenî çend swar şîn we êmdadiş
ce naga hem dîş yek tîp řengîn
ce řûy asman aman we zemîn
gişt terḧ ’ecîb merd ba weqar
temam neqab poş gişt ebleq swar
gişt saḧêb heybet ḧerbe guzaran
teşbye we mexlûq dinya nedaran
naga wêney şêr gişt ḧemłe berdin
sipay yehûdan tar û mar kerdin
ce berzî êqbał fetiḧ ew xewas
’ebdułła ne çeng duşmen bî xelas
weheb waqê’ey wiqû’ dî we çem
ḧeyran mend ce kar řemz êbin ’em
mu’awdet kerd hem we yaney wêş
wat we ḧerem řaz meḧremaney wêş
watiş her êđen řezay încanb
bişo ta we lay «’ibdalimtilbArabic»
watiş gułê hen ce gułzar min
ne baẍçey ’êsmet kes nedar min
paken, bê ’eyben, newber nimamen
şoxen, şîrînen, amîneş namen
ḧusinş çûn xwerşîd ne pişt perden
ne perdey ’êzzet daym perwerden
perê ham ciftê pey ham xwabey şo
amînem bexşa we ’ebdułłay to
dayey amîne fewrî teşrîf berd
«’ibdalimtilbArabic» xatir nîşan kerd
çigûnegî ḧał fermûdey weheb
’erz kerd ne xidmet ew ’alî neseb
watiş ba ẍeyrê cey serzemîne
şad nebo we dîn dîdey amîne
ciftiş eger şa, eger geđa bo
xas êđen ba ew pey ’ebdułła bo
«’ibdalimtilbArabic» şay bułend kewkeb
we ḧusin û ’êsmet amîne û weheb
wêş muttelê’ bê ce ser ta qedem
tahêr bê çûn ser çeşmeyî zemzem
qibuł kerd we dił wat mubarek bo
mebo kar xeyr ce tedarek bo
bînay kar xeyr şadî nyaşan
qureyş gişt cem bîn ce bargaşan
kerdiş tedarek qumaş řengîn
parçey etłes řeng dîbay zîbay çîn
cumley me’kûlat ḧazir bî temam
cem kerd bizurgan mekke û mêsir û şam
we xatirxiway dił, weheb kerd řazî
dersat we meclês tełeb kerd qazî
we emir qudret danay dawerî
zuhre şî we birc berz muşterî
ce sa’et se’d we ḧukim ełła
’eqid amîneş kerd pey ’ebdułła
sazan bisatê bezim şahane
ne şa, beł bezmê pêẍemberane
melayk ce ’erş kerdişan şadî
daşan ne meqam mubarek badî
meşşatan ’erûs arayş kerdin
des des melbûsat perêş awerdin
ew şew mehweşan we diłey peř şad
amîneşan berd we yaney damad
take dû sê řoj ce mabeyn wiyerd
damad nezdîkî ’erûsiş nekerd
be qewł naqił «ruzة alaḧbabArabic»
wey tewr ce mektûb kerdenş xetab
dû sed ce meḧbûb qureyş û ḧêcaz
şox şem řuxsar, şîrîn ẍemze û naz
girdîn ce fêraq ’ebdułła merdin
ah û ḧesretan we toy xak berdin