dir byan awsaf ’ibdalimtilb û ’ibdalilh û waq’at ayşan
From the Book:
Rewzetul Sefa
By:
Mirza Ebdilqadir Paweyi (1850-1910)
2 minutes
415 views
«’ibdalimtilb» temam xoş ’eyş bê
bizurg adem qewm qureyş bê
serdar sipay mekkey şerîf bê
duşmen ce xofiş daym xefîf bê
mitewellî ḧerem ke’bey e’zem bê
saḧêb mułk û cay çeşmey zemzem bê
silsiley qedîm xanewade bê
esił mend pak ḧeq pê dade bê
dîn ḧenefî «xelîl alilhArabic»ş bê
ayîn û mezheb «zebîḧ alilhArabic»ş bê
baboy de kes çûn «abutalbArabic» bê
«’ibdalilhArabic» û «’ebasArabic», «ḧemzةArabic»y ẍałb bê
be ḧusin û cemał bułend awaz bê
ce ehil ’ereb xeylê mumtaz bê
bełam ’ebdułła nûr dîdeş bê
erşed ewlad berguzîdeş bê
nûr muḧemmed şay «xîr albişirArabic»
ne řûy pêşanîş medrexşa çûn xwer
her kesê medî dîdar pakiş
lêş ḧeram mebî xurd û xurakiş
bełam kahnan zûdter zana bîn
we ’êlim nicûm yek yek wana bîn
’ebdułłay ’ereb aman be wicûd
pey ehil êslam nezdîken meqsûd
emma xatûnan qureyş û ’ereb
dîde ẍezałan we şadî û tereb
şox şeker leb şîrîn cemał bîn
gişt pey ’ebdułła aşufte ḧał bîn
şewan ta we řo her kesê pey wêş
daym pey wêsał teklîf mekerd lêş
bełam ’ebdułła dił neda we kes
êltêfat nekerd we hewa û hewes
ḧeq ew duř pak mexfî we perde
ne perdey ’êzzet kerdiş perwerde
mebo zî beşer muxbêr nebo lêş
ta ke byawo we cay esił wêş