در بیان اوصاف عبدالمطلب و عبدالله و واقعات ایشان
لە کتێبی:
روضة الصفا
بەرهەمی:
میرزا عەبدولقادری پاوەیی (1850-1910)
2 خولەک
403 بینین
«عبدالمطلب» تەمام خۆش عەیش بێ
بزورگ ئادەم قەوم قورەیش بێ
سەردار سپای مەککەی شەریف بێ
دوشمەن جە خۆفش دایم خەفیف بێ
متەوەللی حەرەم کەعبەی ئەعزەم بێ
ساحێب موڵک و جای چەشمەی زەمزەم بێ
سلسلەی قەدیم خانەوادە بێ
ئەسڵ مەند پاک حەق پێ دادە بێ
دین حەنەفی «خَليل اللهعەرەبی»ش بێ
ئایین و مەزهەب «ذَبيح اللهعەرەبی»ش بێ
بابۆی دە کەس چوون «ابوطالبعەرەبی» بێ
«عبداللهعەرەبی» و «عَباسعەرەبی»، «حَمزةعەرەبی»ی غاڵب بێ
بە حوسن و جەماڵ بوڵەند ئاواز بێ
جە ئەهل عەرەب خەیلێ مومتاز بێ
بەڵام عەبدوڵڵا نوور دیدەش بێ
ئەرشەد ئەولاد بەرگوزیدەش بێ
نوور موحەممەد شای «خير البشرعەرەبی»
نە ڕووی پێشانیش مەدرەخشا چوون خوەر
هەر کەسێ مەدی دیدار پاکش
لێش حەرام مەبی خورد و خوراکش
بەڵام کاهنان زوودتەر زانا بین
وە عێلم نجووم یەک یەک وانا بین
عەبدوڵڵای عەرەب ئامان بە وجوود
پەی ئەهل ئێسلام نەزدیکەن مەقسوود
ئەمما خاتوونان قورەیش و عەرەب
دیدە غەزاڵان وە شادی و تەرەب
شۆخ شەکەر لەب شیرین جەماڵ بین
گشت پەی عەبدوڵڵا ئاشوفتە حاڵ بین
شەوان تا وە ڕۆ هەر کەسێ پەی وێش
دایم پەی وێساڵ تەکلیف مەکەرد لێش
بەڵام عەبدوڵڵا دڵ نەدا وە کەس
ئێلتێفات نەکەرد وە هەوا و هەوەس
حەق ئەو دوڕ پاک مەخفی وە پەردە
نە پەردەی عێززەت کەردش پەروەردە
مەبۆ زی بەشەر موخبێر نەبۆ لێش
تا کە بیاوۆ وە جای ئەسڵ وێش