dir byan nur nisb fixir ka’nat miḧimd mistifî ﷺ
From the Book:
Rewzetul Sefa
By:
Mirza Ebdilqadir Paweyi (1850-1910)
3 minutes
638 views
bełê hey qadir! şo’ray bê şi’ûr!
dêren direngen, menził dûren dûr
nûr muḧemmed ha hełay benden
çend hezar sałen mu’etteł menden
dek lêławît bo bê ’eqił kem fam
lêwey herzego, ebley xeyał xam
mer bengit kêşan, ya keyfit merden?
nûr ḧezretit feramoş kerden
bizane ce kon, guzergaş kamen?
axir hewarş ce kam meqamen
nyaziş çêşen we dił waz dił?
teşrîfiş ce ko megêro menził?
me’lûm bo ce lay saḧêb kemałan
tewarîx danan, tarîx sałan
çûn nûr ḧezret řesûl xatem
eweł menził şî we cebhey adem
ce adem we şîst, ce şîst we enûş
edyan ewlad qabîl kerd mexşûş
rageş wêł nekerd çûn řoşin zeynan
ta şî çûn xwerşîd we cebhey qinyan
ce qinyan wiyerd we taw û te’cîl
ta yawa we cam cebhey mehla’îl
hem ce mehla’îl dîsan guzer kerd
çûn aw ḧeyat yawa we lay berd
ce berd hem wiyerd çûn xedeng dûx
yawa we menził pêşanî exnûx
dîsan ce exnûx wiyerd wêney bad
şî we lay ḧezret îdrîs we diłşad
ce îdrîs wiyerd çûn ayey nasix
ta we şad yawa we meşûşelx
řoşin kerd cehan sema ta semek
ca hem teşrîf berd we cebhey kemek
ce kemek wiyerd çûn řewan řûḧ
ta şî we toy cam cebhey pak nûḧ
axir ce lay nûḧ «’ilîh alsilamArabic»
ce dimay çend wext ta yawa we sam
ẍerez, «arfixişd», «xabir» û «şalx»
«falẍ» û «arẍu», «naxur» û «tarx»
ce girdîn yek yek te’cîl kerd guzer
nekerd mudara ta we lay azer
ce azer wiyerd çûn duřdaney nîl
ta şî we cebhey êbrahîm xelîl
berşî ce sendûq xezêney xelîl
kewt we pêşanî pak êsma’îl
ce lay êsma’îl dîsan kerd guzer
feř qidûm berd we cebhey qeyder
«nist» û «ḧimil» û «himî siẍ» wiyerd
ce udûd teşrîf we lay urûd berd
«’idutan» û «mi’d» ta we lay «nizar»
ce hîç menziłê negêrtiş qerar
«mizir» û «alyas», «midirk» dî we çem
menziłan tey kerd pey cestey xatem
«xizîmî» û «nizir» û «kinanة» û «sawî»
«malk» û «fihir» û «ẍalb» û «lwî»
«ki’b» û hem «mirة», «kilab» bê xelaf
«qisî» ta yawa we «’ibdalminaf»
ce menaf wiyerd çûn berq encim
menził berd we toy pêşanî «haşim»
hem ce lay haşim ẍerez muḧtesêb
yawa we cebhey «’ibdalimtilb»
axir menziłş we emir ełła
berd we cam pak cebhey ’ebdułła