dir byan awladan ḧizirit sam bin nuḧ (’)
From the Book:
Rewzetul Sefa
By:
Mirza Ebdilqadir Paweyi (1850-1910)
2 minutes
413 views
erfexşed erşed ewlad sam bê
bizurg ewlad gişt xas û ’am bê
resûl mursel cem’ enbya
giroy ewlya zumrey etqya
xulefa û êmam esḧabey serwer
şehîd û ẍazî azad meḧşer
pîr û murîd û mişayex temam
suleḧa û necîb dayrey êslam
’ulemay faził şerî’et medar
ḧacyan ḧec pakîze kirdar
her çî musteqîm cadey êslamen
nesił erfexşed ewlad samen
sanî keyomers hem ferzend sam
şêr bê endêş nadrey nîk nam
dinya ce şorş ew kerd munezzem
bî be padşay ewlad adem
her çî padşay řûy serzemînen
xaqan xaqanan, çîn û maçînen
tayfey keyan, keyanan key
sipasalaran leşkir kêş řey
sultan sultanan, êslam penahan
tac muresse’, text zeř cahan
wikelay eyyam, umeray ’êzam
begler begleran, daray sengîn sam
ḧukemay qabil dewr dehir dûn
zumrey dewłetmend, ne řubi’ meskûn
her çî xoş êqbał e’la meqamen
tuxim keyomers ewlad samen
heftad û dû new’, heftad û dû dîn
qerar dan edyan ne řûy serzemîn
mêllet mêlletan, her yekê yek kêş
her kam mezhebê qerar da pey wêş
nutfey ademî we ẍayet yawa
ta bî î dinya me’mûr û awa