آوردن جبریل جامه و براق و لوای حمد جهت محمد المصطفی

لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
 3 خولەک  196 بینین
زات «ذوالجلالعەرەبی» جە عەرش ئەعلا
بە موقەڕڕەبان وێش مەدۆ ئاگا
بە ئەمر خەللاق شەهەنشای جەلیل
مەشۆ پەی جەننەت «أخی جبرئيلعەرەبی»
ماوەرۆ بوراق با سەرج زەڕڕین
هەم جامە و جوببە هەم تاج نوورین
پەرێ موحەممەد بە تەعجیل و تاب
ئاوەرد لیوای حەمد چەنی ئەو ئەسباب
جیبرەئیل جه پێش «سيد البشرعەرەبی»
مەکەرۆ تەقدیم خەلعەتهای مەخفەر
هەم مەکەرۆ عەرز نبووەت پەنا:
بپۆشە خەلعەت زات شەهەنشا
پۆسەن ئیرادەی شەهەنشای دارا
ئەبواب عەدلم کەرد ئاشکارا
قودرەت عوزمام ئاوەردەن بە دید
میزان ئەحکام هەر وەعد و وەعید
جە دونیا بە ئەو عەتام کەردەن وەعد
ئەو سابیر بە وەعد، من وەفا بە عەهد
ئەو بەیۆ پەرێ مەقام مەحموود
موهەییام کەردەن پەرێ ئەو مەقسوود
ئەگەر ئەو ئیمڕۆ نەکۆ شەفاعەت
موئەببەد مەبۆ عام نەی زەلالەت
مەیۆ بە سوجدە دەردەم موحەممەد
سەنا و حەمد و شوکر مەکۆ موجەددەد
دەست جە بان دەست مەکەرۆ قیام
مەیۆ بە مەعرەز زات «لاينامعەرەبی»
عەرز مەکۆ یا ڕەب جە دار دونیا
نمانای بەی عەبد وێت ڕەنج و عەنا
جە ڕەمز ئیلهام خەتەرەی قولووب
ئیلاهی تۆ نی «علام الغيوبعەرەبی»
تەوفیق جە تۆ بی حیلمم بی غالیب
هەر تەرەف نۆشام مەزەی مەسائیب
نەبیم تەغافول جە یادت یەک ئان
نە قەول و فیعلم سەر نەدا نوقسان
چون فەقر و فاقەم جە تۆ کەرد قەبوول
پەی ئێد بی غینای عوقبام بۆ حوسوول
دوعام نەکەرد سەرف ئوموور دونیا
تا نەیۆ بە نەقس شەفاعەی کوبرا
وەعدەی تۆ حەققەن، زاتت وەههابەن
قەسدم پەی مەقسوود نە ئیزتیرابەن
ئیمڕۆ پەرێ من تاج ئیفتیخار
ئێدەن ئوممەتم ئازاد کەی جە نار
مەراقم ئێدەن من کەی سەر بوڵەند
جە بەین ئەقران نەبم سەرئەفگەند
نە سای لیوای حەمد موعتییی ڕەحمەت
دەرج کەی ئوممەتم تا قاپیی جەننەت
پەرێ موحەممەد خەتمول پەناهی
مەکەرۆ نوزوول سەوت ئیلاهی
سادر مەبۆ ئەمر خەللاق وەدوود
«بعد ماعەرەبی» مەنعەن جە عیباد سوجوود
موقیڕ بەر نە تەخت مەقام مەحموود
نەمەندەن، هەنی، جای سوجدەی سەجوود
سەد تەبەق ڕەحمەت داریم جە دەرگا
هەر یەک بە میقدار تەبەقەی سەما
یەک تەبەقش سەرف کەردم جە دنیا
کەردش کیفایەت دنیا و «مافيهاعەرەبی»
باقی تەبەقات عەتا و غوفرانەن
سەرف ئارایش قەتعەی جینانەن
موقیم بەر نەو جا، مەکێشە تەعەب
جوملە حازرەن هەر چی کەی تەڵەب
مەلایک نە پێش کێشاشان عەلەم
سەف سەف ئوممەتش نە سایەش بین جەم
«حسب الارادهعەرەبی»ی سوڵتان غەیوور
جەودەم ئیسرافیل نەفخ مەدۆ بە سوور
مەلایک تەعجیل بە ئیشارەی سوور
مەڕانان سوفووف زیڕۆح پەی نوشوور