awirdin cibrîl camh û biraq û lway ḧimd cihit miḧimd alimistifî
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
3 Xulek
432 Dîtin
zat «zwalcilalErebî» ce ’erş e’la
be muqeřřeban wêş medo aga
be emir xellaq şehenşay celîl
meşo pey cennet «exî cibir’îlErebî»
mawero buraq ba serc zeřřîn
hem came û cubbe hem tac nûrîn
perê muḧemmed be te’cîl û tab
awerd lîway ḧemd çenî ew esbab
cîbre’îl cih pêş «sîd albişirErebî»
mekero teqdîm xel’ethay mexfer
hem mekero ’erz nibuwet pena:
bipoşe xel’et zat şehenşa
posen îradey şehenşay dara
ebwab ’edilim kerd aşkara
qudret ’uzmam awerden be dîd
mîzan eḧkam her we’d û we’îd
ce dunya be ew ’etam kerden we’d
ew sabîr be we’d, min wefa be ’ehd
ew beyo perê meqam meḧmûd
muheyyam kerden perê ew meqsûd
eger ew îmřo neko şefa’et
mu’ebbed mebo ’am ney zelalet
meyo be sucde derdem muḧemmed
sena û ḧemd û şukir meko mucedded
dest ce ban dest mekero qyam
meyo be me’rez zat «laynamErebî»
’erz meko ya řeb ce dar dunya
nimanay bey ’ebid wêt řenc û ’ena
ce řemz îlham xeterey qulûb
îlahî to nî «’ilam alẍîwibErebî»
tewfîq ce to bî ḧîlmim bî ẍalîb
her teref noşam mezey mesa’îb
nebîm teẍaful ce yadit yek an
ne qewl û fî’ilim ser neda nuqsan
çun feqir û faqem ce to kerd qebûl
pey êd bî ẍînay ’uqbam bo ḧusûl
du’am nekerd serf umûr dunya
ta neyo be neqis şefa’ey kubra
we’dey to ḧeqqen, zatit wehhaben
qesdim pey meqsûd ne îztîraben
îmřo perê min tac îftîxar
êden ummetim azad key ce nar
meraqim êden min key ser bułend
ce beyn eqran nebim ser’efgend
ne say lîway ḧemd mu’tîyî řeḧmet
derc key ummetim ta qapîy cennet
perê muḧemmed xetmul penahî
mekero nuzûl sewt îlahî
sadir mebo emir xellaq wedûd
«bi’d maErebî» men’en ce ’îbad sucûd
muqîř ber ne text meqam meḧmûd
nemenden, henî, cay sucdey secûd
sed tebeq řeḧmet darîm ce derga
her yek be mîqdar tebeqey sema
yek tebeqiş serf kerdim ce dinya
kerdiş kîfayet dinya û «mafîhaErebî»
baqî tebeqat ’eta û ẍufranen
serf arayş qet’ey cînanen
muqîm ber new ca, mekêşe te’eb
cumle ḧazren her çî key tełeb
melayk ne pêş kêşaşan ’elem
sef sef ummetiş ne sayeş bîn cem
«ḧisb alaradihErebî»y sułtan ẍeyûr
cewdem îsrafîl nefix medo be sûr
melayk te’cîl be îşarey sûr
meřanan sufûf zîřoḧ pey nuşûr