گفتار در صور دوم
لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
2 خولەک
241 بینین
جەودما جە سەوت جەلیل جەببار
«انفخوا فی الصورعەرەبی» مەبۆ ئاشکار
ئین بار ئیسرافیل نەفخ مەدۆ بە سوور
سەر مەدۆ جە عام زەلزەلەی نوشوور
جە سەدای مەهیب زومرەی زی حەیات
«كلاًعەرەبی» مەنۆشان زائیقەی مەمات
جە زەلزەلەی سەخت سوور پڕ مەهیب
مەڕێزۆ جە ئەرز یەکسەر کەواکیب
جە زەلزەلەی ئەرز، حەرەکەی سەما
مەگێرۆ قووەت حەرەکەی هەوا
کۆهان چون پەنبەی حەللاج نە سەیران
پەی هەوا و هاموون مەکەران تەیران
نە دەنگش کۆهان قەد قەد سەرنگوون
بەحران مەبۆ خوشک شەق مەبۆ گەردوون
نە کۆهـ مەمانۆ، نە چەشمە و دەریا
وادی و کەند و کاو مەبۆ بە سەحرا
جەنووب و شیمال، شەرق و غەرب تەمام
سەتح سەرزەمین ڕاست مەبۆ چون جام
نمەبۆ جە ئەرز حائیت جە مابەین
بەیزەی غەرب نە شەرق مەنمابۆ نە عەین
عیزرائیل بە ئەمر بینای «لا يخافعەرەبی»
قەبز ڕۆح وێش مەکۆ نە ئەعراف
جەودەم قەبز ڕۆح وێش مەکۆ عەیان
عیزرائیل بەوتەور مەیۆ بە ئەفغان
ئەگەر ساغ مەبین زیڕۆح نە بیسات
یەکسەر نە دەنگش مەبین بێ حەیات
زەمین و زەمان بێ سەوت و سەدا
غەیر جە زات حەق نییەن ماسیوا