giftar dir sur dum
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
422 Dîtin
cewdima ce sewt celîl cebbar
«anfixiwa fî alsurErebî» mebo aşkar
în bar îsrafîl nefix medo be sûr
ser medo ce ’am zelzeley nuşûr
ce seday mehîb zumrey zî ḧeyat
«kilaًErebî» menoşan za’îqey memat
ce zelzeley sext sûr piř mehîb
meřêzo ce erz yekser kewakîb
ce zelzeley erz, ḧerekey sema
megêro quwet ḧerekey hewa
kohan çun penbey ḧellac ne seyran
pey hewa û hamûn mekeran teyran
ne dengiş kohan qed qed seringûn
beḧran mebo xuşk şeq mebo gerdûn
ne koh memano, ne çeşme û derya
wadî û kend û kaw mebo be seḧra
cenûb û şîmal, şerq û ẍerb temam
setiḧ serzemîn řast mebo çun cam
nimebo ce erz ḧa’ît ce mabeyn
beyzey ẍerb ne şerq menmabo ne ’eyn
’îzra’îl be emir bînay «la yixafErebî»
qebiz řoḧ wêş meko ne e’raf
cewdem qebiz řoḧ wêş meko ’eyan
’îzra’îl bewtewr meyo be efẍan
eger saẍ mebîn zîřoḧ ne bîsat
yekser ne dengiş mebîn bê ḧeyat
zemîn û zeman bê sewt û seda
ẍeyr ce zat ḧeq nîyen masîwa