نقطه‌ای از حضرت نبوی ﷺ

لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
 1 خولەک  312 بینین
ڕاوی جە کوتوب وەی تەور دان خەبەر:
یەک ڕۆ موحەممەد شای «خير البشرعەرەبی»
حازر بین جە لاش ئەسحاب کیبار
دوڕ ئەفشانی کەرد جە بەحر زەخخار
بەدرئاسا بەخشا نەجم نەسیحەت
پەی هەفت تائیفە فەرزەن هەفت خەسڵەت
پەی شاهان عەدڵ، پەی غەنی سەخا
پەی عالم عەمەل، پەی زەنان حەیا
پەی دەروێشان سەبر، پەی دۆست مەحەببەت
پەی جەوان تەوبە جە هەر مەعسیەت
هەر پادشاهێ نەکۆ عەداڵەت
میسلش یەک ئەبرەن جێش نەبۆ ڕەحمەت
ئەر بێ عەمەل بان عولەمای ئاداب
بە نەهرێ مانۆ خاڵی بۆ جە ئاب
هەر زەن جە عیسمەت ئەر نەبی مەسلەک
چون تەعامێوەن بێ مەزەی نمەک
بێ سەدەقە بۆ مەرد تەوانگەر
ئەمسالش درەخت بێ سایە و سەمەر
هەر دۆست مەحەببەت جێش نەکەرد ئەسەر
مەعدەنش خاکەن، خاڵییەن جە زەڕ
ئەر سابیر نەبان فەقیر و دەروێش
ئەسڵش سەدەفەن، دوڕ نەمەندەن تێش
ئەر بێ تۆبە بان سینف نەوجەوان
میسلش جەسەدەن مەئیووس بۆ نە جان
بە عیززەت وێت عەزیم سوبحان
مەحسووبم کەری چەنی تائیبان
«فەقێناسناوی ئەدەبی» پر گونا، مەعسیەت بارەن
مونتەزیر بە لوتف پەروەردگارەن