دانەیێن عەنبەر ل نەسرینان ڕەشاندن خال خام
لە کتێبی:
دیوانی مەلای جزیری
بەرهەمی:
مەلای جزیری (1570-1640)
1 خولەک
676 بینین
دانەیێن عەنبەر ل نەسرینان ڕەشاندن خال خام
سووسنێن نازک ل سەر خالان چەڤاندن دال دام
ئەو پەری وەقتێ د سوندوس دا ژ قوندوس بن خویا
بەندە دێ شاهـ و گەدا بت خوسرەوێ شیرین کەلام
«ليلة القدرعەرەبی» و بەراتن زولف و جەبهەت سوبحێ عید
دێم وەکوو فەسلا بوهارێ لێ قیامەت قەدد و قام
هەر کەسێ جارەک دییە ئەو زندە ما حەتتا ئەبەد
وێ نەدیتی ئەو پەری ڕوو زندەگی لێ بت حەرام
هەر کەسێ جامێ ژ دەستێ وێ بنووشت، نووش بت
ئێ ژ دەستێ وێ نەنووشی زەهر بت لێ ئەو مودام
وان د رەقسێ دا کو دیم ئاوڕ پەیاپەی دانە من
بەرق و تیرێژان ل دل دا جەزبەیا عشقێ ڕەڤام
جەبهەت و دێمێ ژ قودرەت لێ نڤیسی حەرف حەرف
کاکولان تاتا ل سەر حەرفان کشاندی لام لام
عومرەکە دوور بووم ژ جانان کەتمە بەندا فورقەتێ
ناگەهان پەردە هلانی گۆ مەلاناسناوی ئەدەبییم «السلامعەرەبی»!