دایک
لە فارسییەوە ورگیراوە
لە کتێبی:
سروەی بەربەیان
بەرهەمی:
قانع (1898-1965)
1 خولەک
565 بینین
ئەڵێن کە وەختێک دایکم منی بوو
نامیە بێشکە هەروا زووبەزوو
مەمکی پڕ شیری خستە سەر دەمم
قەت غافڵ نەبوو لە دەرد و خەمم
شەو تا بەیانی بە دڵی پڕ خەم
وەنەوزی ئەدا لە لای بێشکەکەم
خۆی خەوی نەبوو، منی فێر خەو کرد
کە ڕایئەژەندم زوو بە دەستوبرد
لە پاش یەک ساڵەم تاکوو ئێوارە
دەستی ئەگرتم بە دارەدارە
ئەم پێ بۆ ئەوپێ هەنگاوی پێنام
فێر پێ گرتنی کردم سەرئەنجام
جا تۆخوا ئەبێ قەدری نەگرم!؟
چۆن لەبەر خاکی بەری پێی نەمرم!
هەر کەسێک ئەمەی لەبەرچاو نەبێ
لە خزمەت دایکیا تەواو پیاو نەبێ
ئەوە پێی ناڵێن هەرگیز بەشەرە
بە ڕواڵەت پیاوە، لە ناخا کەرە