چوومە بەسرە
لە کتێبی:
سروەی بەربەیان
بەرهەمی:
قانع (1898-1965)
1 خولەک
803 بینین
وەتەنی کوردەکانە پڕ نیعمەت
وەتەنە داک و بابی پڕ شەفقەت
بۆ کەسێک تۆزێ کاسبی تیا کات
میوەیێ زۆر، نانی بێ میننەت
ئەجنەبی کەی لەگەڵ کوڕی خەڵکی
ئەنوێنێ موحیبەت و ڕەئفەت!؟
چوومە بەسرە بە عەزمی سەیر و سەفا
کەوتمە گێژی میحنەت و زەحمەت
پەلی گرتم لە بەسرە مەئموورێ
وتی جاسووسی، ئەی عەجەم هەیئەت!
بردمی، کۆڵە خاکی پێ کێشام
ساڵەوەختێ بە سەد غەم و میحنەت
تاکوو هاتن حەجاجی کوردی عێراق
حاجی و دین دروست و پاک تینەت
بە نفووس و بە پووڵ و کۆمەک و قەول
هاتمە دەر لە بەندەکەی زەحمەت
قانعاناسناوی ئەدەبی تۆبە بێ کە دەفعەیە تر
نەچمە مەککە لەبۆ حەج و تاعەت