گریان
لە کتێبی:
گوڵاڵەی مەریوان
بەرهەمی:
قانع (1898-1965)
1 خولەک
1081 بینین
براکەم حاڵەتم گریانە ئەمڕۆ
دڵ و جەرگم تەواو بوریانە ئەمڕۆ
بە یەک لەحزە دووسەد حاڵم ئەگۆڕیەت
تەماشای حاڵەتم سەیرانە ئەمڕۆ
لە باخی مەزرەعەی ئیقباڵی لارم
لە خەم کۆکۆ وەکوو خەرمانە ئەمڕۆ
ئەوەندە پەستە بەختی شوومی نەحسم
لە بەختم واعیزیش شەیتانە ئەمڕۆ
گرفتارم بە دەرد و بێ پزیشکم
تەداویم هەر خەم و گریانە ئەمڕۆ
ستارەی بەختی نەحسم وا لە گۆما
لە عەقرەب تالیعم، میزانە ئەمڕۆ
خەمم تاج و سەراپەردەم نەخۆشین
دەروونی دڵ عەجەب وێرانە ئەمڕۆ؟
وەکوو قانعناسناوی ئەدەبی خەیاڵی گەورەییم بوو
کە چی ئێستە خەمم بۆ نانە ئەمڕۆ