لە غوربەتا

سینەی پڕ ئاهم.. هەورێ تیا دەگری و
لە چاوانمەوە.. باران داناکا!
عومریشم.. بەفری بەر هەتاوێکە..
هەر ئەبێ بە شوێن مردنا ڕاکاکێ بێ پاییزی دڵی ئاوارەم..
بنێتە کۆشی قرمزیی بەهار؟
کەشتیییەکی وێڵ لە دەریای تووشا..
تۆ بڵێی ڕۆژێ بگاتە کەنار؟با خۆم گێل نەکەم.. منی غوربەتیی..
کەنارم تۆف و شەستەبارانە
کەس ناگری بەسەر ڕوخساری منا..
تەم و مژێکی دەم ئێوارانەبۆ شادمانیی زۆر کورتە تەمەن..
بۆ کوێرەوەریی.. نابڕێتەوە
چۆن گڕ ناگرێ بەفری بەرهەتاو؟..
خۆ دوای چەند ساتێ.. سەرئەنێتەوە!بەفری بەر هەتاو.. چییە جوانییەکەی..
گەر خوێن نەهێنێ لە دەستی گزنگ؟
ئەگەر نەبێتە جەنگەڵی هاوار..
کە توانەوە عومری نایە چنگئای چەندە مەیلم لە گریانێکە..
دڵ و جەرگمی تیا بتوێتەوە
تەنیام و تەنیا.. کەس نییە باوەش..
بۆ ئەم ئازارەی من بگرێتەوەلە تاو تەنیایی.. دوێنێ نیوەشەو..
چووم سەگێکی مات بگرمە باوەش
چاوانی ئەتوت گەڵای پاییزە..
ئەویش جێی هێشتم.. تف لە بەختی ڕەششەو نیوەشەوان.. پیاسەی نیوەشەو..
سەگێک ئاشنا بە ڕۆیشتنی ڕێم
چاوم ئەبڕییە چاوانی زەردی..
چەمی عاتیفەی ئەڕشتە بەر پێملەبەر ڕەهێڵەی برسێتییا.. ئای..
ڕەنگە ئەو سەگە ئێستا مردبێت!
بە دەم هەناسەی گیان دەرچوونەوە..
یادێکی منی تەنیای کردبێت!گوڵی چەند هەورێ.. وا بوو بە چەپک..
برووسکەیەکیش بوو بە گوڵدانی
گوڵدان ئەشکێت و بە هەناسەیەک..
باڵام تەڕ ئەکا.. تاوە بارانیلە پاسارێکا چۆڕاوگەی باران..
موچڕکە و تەزوو دێنێ بە لەشما
ئەو ڕۆژانەم بیر ئەکەوێتەوە..
نیگای پشکۆ بوو لە خوێنی گەشمائەو ڕۆژانەم بیر ئەکەوێتەوە..
دڵم بەفر بوو.. نیگام زەردەپەڕ
تلیاک بە خوێنم نائاشنا بوو
نە ئەشکی گەرم.. نە کسپەی جگەرلێک جیابووینەوە بێ ماڵئاوایی..
خەونەکانم بوو بە تەم و دوکەڵ
دڵ وێرانەیە و جێی کونە پەپوو..
شینێ بگێڕم بۆ جریوەی مەل!ببم بە سۆفی و لە سارایەکدا..
خەو بە ڕوخساری خواوە ببینم؟!
ئاخۆ لە نووریا ئەمشارێتە وە..
گوێ ڕائەدێرێ بۆ سەدای شینم؟ببمە ڕاهیب و لە ناو دێرێکا..
لەگەڵ لێدان و زرنگەی زەنگا
شیوەن کەم بەسەر ڕەش پۆشیی خۆم و
پەیکەری عیسای مات و بێ دەنگائەی لە کەنیسەی سۆز و ئەسرینما..
ڕاهیبەیەکی چاوکاڵی ڕەشپۆش
یەک یەک مۆمەکان دائەگیرسێنێ و
دڵی تەزیوی من ئەگرێتە کۆش؟ساتێ ئەچمە ژێر چە تری باران..
سیمای «دێرینی»م دێتەوە بەر چاو
ساتێ هەورە کان ئەڕەوێنەوە..
ئەویش ون ئە بێ وە ک تنوکێ ئاوخۆزگە ئەمتوانی لەناو پێکێکا..
ئا.. ئەو هەورانە گشت بخۆمەوە
بە پلەی پەیژەی برووسکەیەکا..
سەر کەوم.. بە گڕ دڵ بشۆمەوەئێواران سەرم ئەبێتە سووتوو..
لەساو سێبەری درەختی ئەشکا
درەختی گریەم.. لق و چڵی ڕووت..
کێ چەند گوڵێکی خەندەی لێ بەش کا؟خەڵکی بە شێتیان ئەدامە قەڵەم..
ئاخ ئەو ڕۆژانەی لەبەر بارانا
دڵی پڕ ئەشکم.. ئەتووایەوە..
لە چاوەڕوانیی دەم ئێواراناخەڵکی بە شێتم ئەدەنە قەڵەم..
نازانن کە من «با» ئەخوێنمەوە
تنۆکێ باران حەرفی شیعرمە و
ئاگری عەشق چۆتە خوێنمەوەخۆزگە ئەمتوانی گڕ لە خۆم بەر دەم..
دوکەڵم ببێ بە تارای سەر ڕووت
یان بمرم و سەگ لە لاشەم تێر بێ..
دنیای ڕوانینم مردنە و تابووتتابووتێ بە بەر دەمما ڕادەبرێ..
ئاخۆ سەر بە چ ماڵێکا بکا؟
لە چ کوختێکی سارد و تەزیوا..
ڕەشەبای گەرمە شینێ هەڵ بکا؟نەء.. تۆ بڵێ ئەو تەختەی تابووتە..
تە رمی چ سەوزە درەختێکە.. ئای؟
لانکەی چەند مەلی لانەواز بووە..
چ شۆخێ بووە چ زامێکە.. وای؟ئەرخەوانێکم دێنێتەوە یاد..
بە گۆڕستانێک چۆڵ و ساردەوە
چرپەی دوو دڵی نامۆ و تەزیوی..
لە گەردەلولی شار ئەشاردەوەئەو ئەرخەوانە.. دەمەو ئێواران..
ئەچووینە ژێری و بارانی چرپە
ئەبووە ئارامگا و گەردەلولی شار
دڵی نەئەکرد بە بێشەی خورپەئەیوت.. بڕوانە ئەو خامۆشییە..
مەزار بەهەشتی خۆشیی نەدیوە
درەختی مەیل و شەڕ و ئاژاوە..
لە گۆڕا ڕەگ و ڕیشەی ڕزیوەتا خۆڵەمێشی بکوژ و کوژراو..
لە گۆڕا لە یەک جیا ناکرێتەوە
مردووەکان مەستی خەوێکی قووڵن..
مەلی ئەشک.. باڵی تیا ناگرێتەوەوێنەی دوو دڵ و تیرێکمان هەڵکەند..
لەسەر قەدی ئەو دار ئەرخەوانە
توخوا تۆ بڵێی ئەو دارە مابێ؟..
یان ئەویش سووتووی سەر گۆڕەکانە!لە ئێوارانا.. ئای ڕەنگە ئێستا..
لەسەر بنچکەکەی قەلەڕەشکەیەک
هەڵکورمێ و چاوی بڕژێنێ سیحری..
ڕق و نەگبەتیی و فیتنە و گەشکەیەک!ئێوارەیەکی پرتەقاڵیییە..
دنیای ڕوانینم نوقمی بارانە
دڵ بە کەناری ئاوابوونەوە..
خوێنی لێ ئەتکێ.. کەیلی گریانەلە دنیای دڵی سیاپۆشمەوە..
چاو خافڵ ناکەم قەت لەو هەورانە
هەور تەمەنی ئەداتە باران..
باران هەناسەی بەو جۆگەلانەجۆگەلە عومری ئەبەخشێتە چەم..
چەم بە ڕووبار و.. ڕووبار بە دەریا
دەریاش دڵی لە مشتی خۆرایە و
نهێنی باران وا لەژێر سەریادڵۆپی باران چەندی سەوز ئەبێ و
لە غەریبییا سەر ئەنێتە وە؟
چەندی لە لەپی دەستی ونبوونا..
ئەمرێ و کەس تەرمی نابینێتەوە!دڵۆپی باران تەرمی مردووە..
یان مناڵێکە گڕوگاڵ ئەکا؟
ڕێژنە و ڕەهێڵە گەرمە قاقایە..
یان گریانێکەم ماڵەوماڵ ئەکا؟ئێوارەیەکی مات و غەمناکە..
ڕوانینەکانمی تیا سەرگەردانە
جارجار هەورەکان ئەبنە پەنجەرە..
زەردەپەڕ ئەدا لە ڕووی وێرانەئۆقرە و ئیلهامم دارێکی وشکە..
نوقمی کزە بای بێ ئارامیییە
سەگ وەڕی تاو تاو.. گرمەی گەواڵە..
مۆسیقای دڵەی پڕ سەرسامیییەئای چۆن بەم هەموو ژانەوە ئەژیم
کە دڵم لانەی دووپشک و مارە؟
بە شێوە زیندووم.. مردووم لە ناخا..
تۆ بڵێی مردن ببێتە چارە؟بێ ئەوەی کەسێ منی ناسیبێ..
ستەمە لاشەم بچێتە ژێر گڵ
ئاخ.. خۆزگە لە ژێر کوختی شیعرێکا..
ئارامی ئەگرت گە ردەلولی دڵداد بۆ خوا ئەبەم.. نەهێڵێ بمرم..
تا خامەم ژانم ئەهۆنێتە وە
وەکوو چۆن ساڵان بە تاڵی سپی..
یادی لە قژما ئەنووسێتە وەمردن لێم گەڕێ.. ئەمشەو خۆم ئەمرم..
تا شیعرێ بێنمە بوون و ژینەوە
لە سەرابێکام.. خوێنم ئەسووتێ..
بە سۆزی تاڤگە و چەمی شینەوەمردن پێم ئەڵێ: تۆ تەواو شێتی..
وشە جێی ژانتی تیا نابێتەوە
سەر خە سەر سنگم.. چاوانت لێک نێ..
کەس نییە فرمێسک بخوێنێتەوەکوا شیعرێ ژانی من بگرێتە خۆی؟
شینم پێ بکەنێ بە دەمتانەوە
فرمێسکم سە رکا «تانجەرۆ»یەک بێ..
بڕژێتە گۆمی ویژدانتانەوەئاخ.. بۆ تانجەرۆش.. تانجەرۆی جاران..
تۆ بڵێی چاوم پێی ڕوون بێتەوە؟
تۆ بڵێی قژی ماش و برنجیم..
بە دیدارێکی ڕەش ببێتەوە؟بیرمە مناڵ بووم لەگەڵ باوکما..
لە تەنیشت پردە ڕوخاوەکەوە
قولاپی ماسی گرتن لە دەستما و
قاچم ئەخستە ناو ئاوەکەوەئای بە مناڵیی.. بە نوکی قولاپ..
چەند کۆرپە ماسی ناو تانجەرۆم کوشت؟
ماسیەکی ناو گۆمی تەنیاییم..
دەرگای مەرگ لە خۆم کەوتۆتە سەر پشتمن پرسەیەکم.. هیچ کەس نامبینێ..
بێت و دانیشێ و فڕکا قاوەیەک
ورد بێتەوە لە دەریای ناڵینم..
بگری بۆ مەرگی چەند سەرچاوەیەکدەریای ناڵینم گۆڕستانێکە..
ئارامگای سەدان چەمی سەربڕاو
چە م قەت سەرچاوە نابینێتەوە..
بەفری خۆزگەشم ڕۆیی بوو بە ئاوبە سۆز و یادی هەواری باڵای..
زستانی پار بوو.. لە ڕێبەندانا
بەفری بە ردەرگام کرد بە پەیکەرێ..
تا تەزوی ئۆخەی بێنێ بە گیانانەک ئۆخەی هەر دەم.. بۆ تاقە ساتێ..
بەفرینە کچێ.. بەفری ساردوسڕ
شێوەی بنوێنێ و هەناسەی ئۆخەی..
دەمارەکانم پڕ بکا لە گڕشەو با هەڵکات و بیبەستێ پەیکەر..
تاکوو یەک دوو ڕۆژ.. بمێنێتەوە
بەر لەوەی خۆر چنگ لە سینەی گیرکا..
عومری جوانیی لێ بسێنێتەوەشەو نووستم.. سبەی.. کاتی چێشتەنگاو..
بوو بوو بە هەڵم پەیکەری باڵای
لە و ڕۆژەوە من لە تیشکی ڕۆژا..
وێڵم بۆ ورشە و پرشەی نێو نیگایجوانیی تەمەن کورت.. عەشقێک ئەبەدیی..
بۆ زەردەپەڕێ لە ئاوابوونا
وانەی مەشقێکی بێ کۆتایییە..
لە جوان پە رستیی دڵەی زەبوونائۆف دنیای جوانییش.. مۆمی کوژاوەم..
خۆی تیا ئەنوێنێ.. دیمەنێکی پەست
سیمای پەپوولەی هەڵقرچاوی شەو..
لە تەماشاما.. گریانێکە خەستمۆمیش.. تەمەنی.. کزەی.. سووتانی..
بارمتەی دەنکە شقارتەیەکە
هە ر دەستێکیش بێ دایبگیرسێنێ
باعیسی مەرگی پەپوولەیەکەچەندین شەو لەسەر نزرگەکان من..
بوومە کۆی زوخاڵ.. سووتام وەکوو مۆم!
لەسەر نزرگەی دڵ.. مشایەخێ..
مۆمێکی نیگای دانەگیرسان بۆممن میراتگری سەدان پاییزم..
هەتاوی خەمی من ئاوا نابێ
هەتاوێک سارد و سڕە وەک مردوو..
ڕەنگە بوونیشم فرمێسکی خوا بێ!خوا گەورەیی خۆی بە من بەخشیوە..
بۆ ئازارەکان لە هەست کردنا
ئەو شەپۆلانە و کەشتییەکی شڕ..
هەرەس ئەهێنم لە خۆگرتنامردن گێژاوە.. بێ سەوڵە کەشتییم..
ڕێشم گەرداوی چەقۆ و خەنجەرە
چش لە مردنم لەم ڕێ تووشەدا..
گەر گۆرانیییە ک بێ بە پەنجەرەچی سامناکترە.. چی غەمناکترە..
لە منێکی تە نیای ناو دورگەیەک چۆڵ؟
گیانێکی ماندوو.. هەستێکی نالی..
خۆزگەی ماچێکی دەشتی خاک و خۆڵکێ بۆ خەزانی عومری من دەگری؟..
کێ بە دیی ئەکا گە ڵاڕێزانی؟
پاییز فرمێسکە لە چاوی هەورا..
کوا هەوری من و قوڵپی گریانی؟تاکە پەناگام پاییزە و کزەی
شینێ لە دڵما کەف و کوڵیەتی
کێ لەبەر کۆستی منا خۆی دەگرێ؟
دڵم بولبولە.. پاییز چڵیەتیدەمەو پاییزان ڕوو لە شێت بوونم..
پاییز کەنیسە و خەڵوەتگای منە
ترپە و لێدانی دڵ خەزانێتی و
لە ڕوانینی چاوانتا ونەپاییزم زامە و هەمیشەیییە..
ڕوخساری بەهار نایشارێتە وە
لە قوڵاییما.. گەڵاڕێزانە..
زریانی ناخم نابڕێتە وەمن بۆچی نەمرم؟ بۆ نەبمە هەورێ؟
تێر بگریم بەسەر باڵای ئازیزا
بۆ ئازیز ڕۆیی و لە من ناپرسێ؟..
تەمێکم لە ناو کۆشی پاییزابۆ بە سووتووی دڵ چاوی ناڕێژێ؟
بۆ نامداتە بەر کزە بای ئاهێک؟
بۆچی بۆ ژوورە سارد و چۆڵەکەم..
ناکاتە دیاریی پە نجەرەی ئاخێک؟بۆ دڵ شمشاڵە و ناڵین ئەیژەنێ؟..
بۆ ئەو ناپرسێ لە ئاهـ و خورپەی؟
لە دارستانی سەوزی بیستنما..
بۆ خامۆش بووە چۆلەکەی چرپەی؟لە نسێی مەرگا.. گینگڵ ئەدەم و
دڵم هەر لە لای چرپە کانێتی
حەز و ئارەزووم چۆلەکەیەکە..
کزەبای پاییز نیشتمانێتیپاییز لە دنیای شیعری وێڵ بووما..
ئاسمانێکی پڕ لە گەردەلوولە
پاییز لە خوێنما مۆمە و ئەسووتێ..
پاییز لە دڵما زامێکی قووڵەپاییز بوو کاتێک بڵێسەی نیگای..
گڕی بەردایە هەوری ساردی دڵ
پاییزی نیگای هە ڵوەری و ڕۆیی..
خۆشەویستیمی نایە کۆشی گڵدەک پاییزم ڕۆ.. وەرزی شاعیریی..
دڵ گەڵایە کەوا لە بەر «با» دا
کە هاناش ئەبەم بۆ پاییزی ناخ..
تامی پاییزی چاوانی نادا!بۆ چوار وەرزی ساڵ نابێتە پاییز؟..
تا نیگای ئەوم هەردەم نیشان دا
ئە و نیگایەی لە سنگما ئەسووتێ و
چەخماخە ئەدا لە ناخی گیانداپاییز بوو.. باران نم نم ئەباری..
نیگای چاوانی پاییزیی و مەستی
وە ک چەم ڕژایە دەشتی گیانمەوە..
دەستی خۆزگەمی خستە ناو دەستیباران ئەباری و ژێر چەتری پاسێک..
بۆ یەکەم بینین بوو بە ژوانگە
بوو بە پەنجەرە بۆ سەر گۆڕەکەم..
لێم ون بوو.. ڕۆیی.. ڕوخا ڕوانگەئاخ بۆ دەستێکی پڕ لە میهر و سۆز..
بوونم ئەشکێکە بە گلێنەمەوە
شیعرم وەک پاییز هەتیو کەوتووە و
پاییزیش دیارە بە وێنەمەوەداوای شیعرێکی سەوزم لێ مەکە..
بەهار لە عومری من بێ بەرییە
بڕوانە قژی ماش و برنجیم..
کە دەفتەرێکی کوێرەوەرییەپرسەیە ئەگرم بۆ ئەم پاییزە..
چەند خۆشە لەبەر شەستە بارانا
لەسەر ئەو گەڵا زەردانە بمرم..
لە سای بەرامە و بۆی چناراناڕۆژێکی پاییز.. مەست بووم.. ئەلەرزیم..
لە ناو باخێکا نوقمی خەزان بوو
هاوڕێیەک کۆشێ گەڵای داگیرسان..
گڕی گەڵای زەرد بۆ تینی گیان بوولەیلاکەم چاوی دوو گەڵای زەردە..
وتم.. تۆ چیت کرد ئەی هاوڕێی ئازیز؟
ئەو کۆچی کرد و تۆش چاویت سووتان..
بۆ گڕ بەر ئەدەی لە گەڵای پاییز؟تو خوا گەر مردم.. گەڵا کفنم بێ..
دەمیشم پڕ کەن لە گەڵای وەریو
تابووت و گۆڕم چڵی پاییز بێ
و تەرمم مەنێنە ناو خاکی تەزیوخۆ پاییزیش خۆی.. گەڵاڕێزانی..
ڕائەکشێ لەناو تابووتی «با»دا
مردنێکی بێ پرسە و گڵکۆیە..
هاوارە و دەنگی ناگا بە خواداحەز ئەکەم پاییزی عومرم..
هەور بێ لە چاوی ئاسمانا
گریانێک بێ.. بێ کۆتایی..
سەمایەک بێ لە سووتانا