culindî 2
pêẍemberî xułay dest hełdênî:
xułaye! eger natewê ometêm lê beqřibênî
çend melekanim lejêr zemînê bo dênî
çendanim leser zemînê bo dênî
çendîş hatin le jêr zemînê, hemû hatne yarmetî muḧemedî medînê
destyan kird be xendeqê xendeq diřînê.
řesûłî xułay řawestawe
ta xendeg bû tewawe
tewawin kird bedił û cane
çil gez qûłe çilîş pane
ke xendeg bû tewawe
piř le aw řawestawe
qamîş lewê hełsitawe
ke cułindî le xewê hełsitawe
leşkirî pak xiř kirawe
saḧb menseb hat lewlawe
dełê: sîḧrî ’elî zor tewawe
ew xendeqe çîye binyad nirawe?
dwênê emin ewhem nekewt beçawe
kengê le ’elyan gêřawe?
şeytan gutî: lêre nemawe,
ewe le mekey dêşê çawe.
cułindî dełê: sîḧrî ’elîye řonrawe
tegbîrim bo biken be hemane
biła lêy dirus bikeyn kił û pirdane
hemû řojê nayeme êrane
debê medîney bikem wêrane
wêranî bikem yekcarîye
bikujim taqe swarîye
dinya bo min yekber bîye
qet nemênê muḧemedîye
wayan gut wezîrî wîye:
qisey şeytanî be’î nîye
be but û senemê swênd xwardîye.
gutî: ’elî le mał nîye
nabê lew karey xoş bîye
çunke ew diroy kirdîye
ew şeytanî neḧletîye.
îmamî ’umber le mał nîye
şeytan hênay mizgênîye:
medîne çoł û xořayîye.
şa gutî: edî ew xendeqe çîye?
gutî: şa beserî tû agam lê nîye
ew maynêkî îmamî ’umberîye
le małî xoy derpeřîye
betełebe û çarey nîye
maynî îmamî ’umber lewberî bedḧałe
espî cułindî řeşe, zengîye, gerdin bexałe
lêy swarbû cułindîye
eger lewberî beher çwar pêyan fiřîye
çil gez xendeqî qûł û xendeqî pan weberî xoy biřîye
cułindî de medîney degeřa kołan bekołane
haware le min esḧaban leber ew kafrey derkyan le xoyan gałedane
dwazde esḧabe bûn, lew mekane
lecêy îmamî ’umber û ḧezretî ’elî newciwane
şeřyan degeł cułindî dekird, tabyan nehêna ew bestezmane
tifaqî dwazde esḧabane, her dwazdey lê kuştin
dest û baskî bexwênê dařiştin
bexendeqî çil gez qûł û berînda řoyştin
eger esḧabe wayan zanîye
hemûy şîn û waweyla û girîye
pak îcma’î kird, hate kin xoşewîstî řebîye
dełên: ya řesûłlaye bibîn bequrbanî serîye!
îmamî ’umber û ’ezretî ’elî le mał nîye
ew kafre heman qiř deka çareman çîye?
řesûłî xułay fermûy: «metirsên humêdman řebîye.
destêkî dî gutî: wełlahî ewcar medîne becarêkî wêran debîye
etû boçî le dûy ’ezretî ’elî nanêrî êłçîye?
řesûłî xułay deng hełdeyenî
dełê: kesêk cwabêkim bo we şêr ’elî řabgeyenî
qesrêkî beheştê baqî le min bistênî.
dayke pîrêk lewê biłind debîye
dełê: řesûłî xułay, bitbim bequrbanî serîye!
eger pênawdarî minî beqesrêkî beheştê baqîye
emin ewřo cwabit bo degeyenme şêrî řebîye.
dełê: daykepîrê serispîye!
wenakem bitbê gileyîye
detdemê qesrî yeqînîye
dayke pîre way gutîye:
řêy no şew û no řojan bot debim be’êłçîye
řêy meke û medînan hênde kem nîye
ḧezê dekem qisey xom bibyem beseḧîye,
da sibḧey le tom nebê gileyîye
şikayetit lê nekem le baregay řebîye
bizanim le beheştê, qesrî min sûre ya sipîye?
wehay fermûbû serdare:
řêy no şew û no řojan debîye zeḧmetkêş û xizmetguzare
le beheştê baqî, le qesrî sûr û sipî diłî xot bike muxtare.
kê bû le daykî pîrî serispîye,
eger ew qisey bîst le xoşewîstî řebîye
destinwêjî xoy hełgirtîye
bermałî xoy řaxist dû řika’etî sunet û duwanî nwêj kirdîye
le dayke pîrey du’akirdin bû
le melayketan wergirtin bû
le êxî cibrayl birdin bû
le řebî ’alemê qibûłkirdin bû
kê bû le dayke pîrey gułbawe
le xułay xoy zor pařawe:
le medîney xerap qewmawe
şêrî xułay lêre nemawe
kak ’umber řoyî bewlawe
řebî seferim bibê tewawe
cułindî hatuwe lewlawe
pałewanêkî tewawe
ew şarey de meḧsere nawe
dwazde esḧabe kujrawe
kesî le pêş řanewestawe
dełê medîney dekem biławe
dayke pîre řawestawe
qinûtî dexwênd tewawe
şeqjinî le bałî xoy dawe
çuwe asmanê řawestawe
îklamî ’ezretî ’îsay kêşawe
le pêş destî řawestawe
esto keçe, řawestawe
ḧezretî ’îsa boy pařawe
’erzî wî bibû tewawe
dełê elḧemlay karî min nebû sawe
lewê îcazey wergîrawe
dayke pîre, merexes bû geřawe
no şew û no řoj tewawe
se’atêkî qerar danrawe
řezay dû kesî bełek çawe
xoşewîstî xułan benawe
le ’ezretî fatîmey kird seławe
’ezretî fatîme dełê: «’elîkum eslam û řeḧmetułłahî dayke pîre ser hertik çawî min hatî
were kin min bixo parwêk zad û zewadî
dayke pîre dełê: ’ezretî fatîmey, ḧeqe û beřêy dûr hatme, têrim newek birsîye
etû nazanî çi de’wayek le małî baban qewmîye?
hatûye ser medîney kafrêkî cułindîye
kuştî dwazde esḧabey de nebîye
dełê medîney wêran dekem beyekcarekîye
řesûłî xułay emnî nard û be qasîdîye
ḧezretî fatîmey dełê: ’elîye, way ’elîye!
qasîdî řesûłî xułay hatote êre beyekcarekîye
heta de’wayek le małî babî min deqewmîye
etû çawî xot leser emin debestîye
dełê: fatîmexanê! le xułay xot bibê şerme!
ewřo awrî çawanim satî le germe.
fatîme dełê: ’elîyey qeytane! eger pêt nemawe hunerî de mêrdane
dułdułî bide be min degeł çekane
yan destênim tołey ew esḧabane
yan emnîş deçim be derdî wane.
ḧezretî ’elî dełê: dayke pîre çawbaze!
ço du’ayekim le xizmet xuday bo bixiwaze
kê bû le daykî pîrê serispîye
çû dezniwêjî xoy hełgirtîye
bermałî xoy řaxsitîye
dû řeka’etî sunet kird, dû řeka’etî nwêjî dîye
le daykî pîrey du’akirdin bû
le melayketan wergirtin bû
le êxî cibrayl birdin bûn
le řebî ’alemê qibûłkirdin bû
dayke pîre dełê: řebî padşayekî muxtarî
hem qadir û saḧb îxtyarî
mutleqa boxot cebarî
hate asmanê hewrêkî řeşî tarî
kil û totyay lê debarî
le bo çawî şengeswarî
hate asmanê hewrêkî řeşe
kil û totyay lê barî xoş xoşe
çawî ew şengeswarey pê bû gułî geşe
leber fermanî cebarî
hate ber asmanê hewrêkî tarî
kil û totyay lê debarî
le bo çawî şoře swarî
kê bû le dayke pîre serispîye
bedestî mumbarekî kilçêwkî mercanî girtîye
kêşay de çawî şêr ’elîye
swêndî lê bixo biłê şitaqe biř elem le çawî wî nîye
ewa çawî hełat, ẍenîmî cułindîye
kafran qiř deka, beyekcarêkîye
îmam bang dêłê: qenbere!
dułdułim bo bêne dere
lêy bike zînî muḧtebere
seferî małe mamim kewte bere.
ke dułdułyan hênadere
lêyan kird zînî muḧtebere
îmam boxoy kêşay tengewbere
pêy na řikêf kewte sere
kê bû le şêrî gułbawe
çendî esḧabe û ewlya le dewrey řawestawe
awřî we xełqî dedawe
’ezretî fatîmey westawe
hertik çawî piř le awe
dête xwar weku sêławe
dełê: medîney babim nemawe
kwêrim bibin hertik çawe
şêrî xułay bo řawestawe
leknim le cułindî tirsawe
boyekî nařwa bewlawe?
’ezretî ’elî fermûy: «ewřo byanûy lê degirim. deşqemî gerdinim aza bika.
eger ewřo gerdinim aza neka, îdî nakirê heta qebrî.» bangî kird:
fatîmey çawbengîye!
ew seferem yekcarîye
nambînyewe carêkî dîye
’ezretî fatîme degrî
dełê: şêrî xułay yekcar nadrî!
medîney babim, şulûẍe boye hok û byanuwanim pê degrî
çibkem ewřo ḧałim waye
medîney babim de şulûẍî daye
heřo biřo beşî beheştî xom sertapaxwar daye
’ezretî ’elî fermûy: fatîmey saḧb xatre!
lebizit le awî ḧeyatê xoştire
beheştî tû çi lê bikem î xom le î tû pitre
fatîmey çawbengîye!
qisêkit pê biłêm beseḧîye
ewşew na şewî dîye
’ezretî cubra’îlî hat beqasîdîye
gutî: hatûm beřezaye řebbîye
ew seferem yekcarîye
demkujin û çarem nîye
î min û tû debête dîdar axretîye
kwêr bibin çawî ’elîye
daxułay kê betemat bê, lepaş emin degełit řonîşê be ḧełałîye!
ecelim hatuwe be destî cułindîye
qet pałewanî wa zebir be mist nîye.
’ezretî fatîme gutî: beḧeqî ew xułaye!
boye byanuwanim lê degrî, çunke medîney babim de meḧsiredaye?
heřo, biřo gerdinit xoş û aza bê fîsebîlîlla bo xatrî ḧezretî řesûłłaye!
kê bû lew şêrî gułbawe
demaxî bibû tewawe
awřî we piştî xoy dawe
çend ewlya řawestawe
pakî boy le xułay pařawe
leber ew fatîmey gułbawe
çawî detgut estêreye û şebeqî kişawe
dułduł nałêkî lê dawe
’ezretî ’elî neḧretey kêşawe
le řebî ’alemê pařawe
sełewatî le pêẍemberî dawe
le dayke pîrey tewawe
ewê řojê hat û geřawe
şêr gutî: dewłet zyad û mał’awa!
dułduł teyrêk bû, le hemû teyran zêdeyîye
ewê řojê çen deykird we dayke pîrey řanegeyîye
dayke pîre way gutîye:
«eger bo nwêjî nîweřoyey negemewe medîney mubarek, nwêjî becema’etim deçîye».
pîrêjin gutî: «’elî tengey dułdułî tund kêşawe, le ḧîrsa; dułduł natwanê biřwa; beqsey qerzî degeł bikem heta biřêk xaw debêtewe, tengey dułdułî ça deka, dułduł xoş deřwa zû degeynewe medîney».
îmam tenge û berey sazkirdîye
dûr û nîzîk we dayke pîrey ra denořîye.
pîrêjin bang deka:
řêy meke û medîne řêy no şew û no řojan benawe.
ewê řojê çû demudest geřanewe be dwawe
bo hendehendî nîweřoye, le řesûłî xułayan dekird selam û seławe
řesûłî xułay fermûy: ’elîye, way ’elîye!
lekin emin bixo paruwêk zad û zewadîye
nek le şeřî ew kafrey hîlak bibîye
dełê: mame, herê mame!
weser piştî zimanim naçê hîç bo tema’e
ta tołey ew dwazde esḧabe nestênim temame
řesûłî xułay fermûy: ’elî, kake! werê kake
lekin emin bixo parwêk zad û zewadî pake
nek le şeřî ew kafrey bibî hîlake
dełê: «mame, swênd beserî tû be sî û çwar cizûy kelame
weser piştî zimanim naçê te’ame
heta tołey ew dwazde esḧaban nestênim be’ame.
’ezretî ’elî swar debî bekołananda çuwe xwarê
cułindî ke çawî be ḧezretî ’elî dekewê, xoy řadebzêwî
řext û řeşmey dirus kirawin le zêřî û le zêwî
qesd deka çay ’ezîm beser yekda têk birêwî
ḧezretî ’elî bang dêłê: «cułindî, cułindîye peřqoze!
etû ew şaş û peřet leserî nebin pîroze
etû medînet bo le mamî min kirduwe ałoze?
cułindî ew cułindîy peřbiławe
şał û şaş û peřit leserî nebê tewawe,
etû bo medînet le mamî min têk dawe?
cułindî dełê: emin řołem, řołey şêrî
hîç kesim pê nawêrî
şêr ’elî nebê, ewîş gerdinêm bo řadedêrî
wilayetî medîney be min despêrî.
’ezretî ’elî dełê: babî ḧesenim, babî ḧusênim
şamarî çeng bexwênim
nemirim ewřo řuḧêt le bedenê destênim
babî ḧesenî ezim, babî ḧusênî ezim
şamarî çeng bebezim,
nemirim ewřo řuḧêt le bedenê degezim.
cułindî dełê: ey ’elî fêre cenge!
tû lew şaret xoş dê denge
binoře dułdułî, pisawnî berok û tenge
ke îmamî ’elî bedułdułîda nořîye
cułindî gurzêkî da le tewqî serîye
heta sînebendê bedułdułewe be’erzî řeq û îşkîda birdîye
dułduł hate derê le xak û le xołê,
destî kird be xuřînê û be simkołê
’ezretî ’elî dełê: zulfeqar!
bew xułayey keremdar
beserî nebî nazdar
bitdem lew gołî mindar
letî nekey wek xeyar
le xom natbestim çi car
detbeme ser westakar
bitken be nał û bizmar
be çekuçan bitken hejar
le bo dułdułî nazdar
dinya debê wergeřê yekcar
ke şîrêkî da le tepłî serî cułindîye
’ezretî cubra’îlî peřî weber nedaba beřezay řebbîye
ewê carê dinya werdegeřa beyekcarîye
cułindî dełê: ey ’elîye!
ew şîrî tû mîsrîye
ew zebrey tû be min çi nîye
dełê: bełat lê kewê, gołî mindare
etû xot řaweşêne, boxo û be espit bûy be çware.
bo xo û be espî kewte xware
kê bû le esḧabey bestezmane
seryan derhêna le kołanane
sełewatyan le pêẍemberî deda, be ’ezretî ’elîyan debjard şukirane
kê bû le esḧabey nazenîne
le kûçe û miḧelanyan ser derhêna
sełewatyan deda le muḧemedî emîne
her dew demîda îmamî ’umber geyîye cê, le seferî deẍił kiřîne
kê bû le esḧabey cindîye
sełewat le pêẍemberî, xeza pîroze le ’ezretî ’elîye
dełên: ya îmamî ’umber. genim le kwêye, qîmetî beçendîye?
îmamî ’umber gutî bewane:
be ’ezretî ’elî bibjêrîn şukirane
genim elḧemlay herzane
ḧeyfe le ’embarî kafrane
«bîst û çwar řûbe dirawan biden, řûbwêku genim dedenê, dełêy şîlane».
mizgênyan debird bo mał û xêzane
kê bû le îmamî ’umberî girde
lew xendeqey baskî xoy kird be pirde
mexlûq pêyda řadebirde
êstirî xałindî binî welî zor bê mefeře
leser destî îmamî ’umberî hełdepeřî ewber ewbere
dełê: êstirî kak xałindî bo xatrî wey her beqîmet bê bitbê sere
heta zîndûy netbî bere.
řesûlî xułay fermûy: ’elîye wey ’elîye!
besyan bikuje, bê însafî degeł ew feqîrane çak nîye
dełê: mame gyane!
bew xułayey layezane
«dest hełnagirim lew kafrane
heta xwên neye, neba serane».
nekira bişkê qisey şêrî cebarî
hate asmanê hewrêkî tarî
řişênî baranê lê debarê
herwa xwên dehat řay demałê ser û cendekî larî
îmam denwařête řojê
dełê: řebî, nedořênim nwêjê
řuḧim be awrî cehennemê desojê
wa cułindîyan kirduwe fena
ew leşkirey kafrêk nema,
«řeḧman bekir» bote westa.