řiskan le xołemêşda!
lew beyanîyeda xorinşîn za û şewêkî řeşî bû.
le hetawî ew řojeda çiřbûnewey kost pelî hawîşt û
le apûreda, tenyayîy ledayk bû.
le bîst û çwarî nîsanda, payîzêkî qembûr hat û
le geşanewey baxe herzekarekanîşda
zemanêkî pîr û pûkanewe bû be werziman!.
min nîştimanêkim heye
her le mindałîyewe sêdare řayjenîwe û
koç pênasey buwe û, zułim parûy buwe û
dirextekanî birîn şimşałî bûn û
gundî bêwejin û şarî bêwejin û şeqamî bêwejin
herêmekanî bûn û
pepûley kujraw baranî û
awêney şikaw demuçawî û
lawandineweyş lawlawî!
min nîştimanêkim heye, le dûkeł pêkhatuwe
dûkełî çwargoşe û
dûkełî lakêş û
dûkełî sêgoşe û
dûkełî bazneyî
le pencerey řejûy her kamêkyanewe
seyr bikeyt:
daristanî qîje û
şaxî weyşûme û
hawînehewarî firmêsk û
geřekî zayełet lêwe dyare!.
min nîştimanêkim heye
le hîç nîştimanêkî tir naçê.
le hîç giryanêkî tir naçê.
le hîç sûtanêkî dî naçê. hemû carê
eyhařn û pûşupełaş û paşeřoy azarekanî
eden bedem
bay şimşêr û bay zirêpoş û fiřokewe û keçî lewser
em nîştimane efsaneye dêtewe û, keçî lewser
em kotereye ebêtewe be sinewber û eřwêtewe û
keçî dîsan êsk û pirûskî naw sûtmak
yek egrêtewe û kutekutey em cesteyeyş
heł’estêtewe serpêyan û řû ekatewe dinya û
ełê minim kurdistan!
min nîştimanêkim heye, telîsmî gerdûne
le qeładzêCihda eykujin û bełam le amedCihda zîndû ebêtewe.
le hełebceCihda serî ebiřn û bełam le kerkûkCihda ejêtewe.
le hewlêrCihda le qenarey eden û
le wirmêCihda berzewpê řast ebêtewe.
min nîştimanêkim heye ḧewt perasûy
le hemû nîştimanekanî dîkey em dinyaye zyatre
ne qeware û ne ḧał û ne mał û ne çetir û ne şûre û
ne endame le komełî netewe yekgirtuwekanda û
ne pulêkî heye le sinduqî dirawî dewłetanda û
ne ała û ne zirêpoş û ne fiřoke û
keçî mawe û keçî ejî û keçî heyşe!
min nîştimanêkim heye
bałay ew bałay eşkenceye û
çawî ew çawî enfale û
gerdinî ew gerdinî giryane û
em qaçî - «4/24»e û
ew qaçî -«3/16»ye û
lebîrme beyanîyek destî řastî lejêr heresêkda qirta û
lebîrme destî çepî zirêpoşê
legeł zîncîrekanî xoyda birdî û
lebîrme beyanîyekî tir dinya zehirxiwardî kird û
kořewêkîş mêjûyekî asnînî da be kołya û
keçî lepiř ew bałaye estêre egrê û
ew çawe ebê be çawî dwařoj û
ew gerdine ebê be gerdinî agir û
4/24 ebê be 3/21
3/16 ebê be 3/5
heres řast ebêtewe û destî řastim ebê be qendîlCih û
destî çepim egeřêtewe û ebê be destî řapeřînim û
heman dinya dêtewe û maçim ekat û
em careyan mêjûyş ebê be espî ẍarkirdinim!
le bîst û çwarî nîsanî ew sałeda ke xoşewîstîy şîrînKes
hezaran hezarî kirdibû be ferhadKesy bêstûnekanî em xake,
zankoy sileymanîCih be swarî kejawey çira geyştibuwe
qeładzêCih û beharî eylûlî dabû be xoyda. řîze çirawgî
serî xwêndikar û mamosta, řîze wişe, řîze qełem
bûbûn be çiraxanî zanist û huner. serlebeyanîy
ew řoje, lenakawêkda, samał bû be neynokî
şikaw hařey kird û beyanî bû be bûlêł û qeładzê
kewte ser çokî şikaw û fwarey cesteman berew
jûr bû be awî yaqûtîn û hełkişa.
îtir diłope wişe û xwênî gułan yek yektiryan xwardewe.
çawî kitêb û çawî dirext somayan pija û
kwêrayîy çira dahat û
pêkenînî hełwerî.
kolîcêk bû be tabûtî jimare kujrawekanî matmatîk û
kolîcêk bû be tabûtî şî’re kujrawekanî edeb û
kolîcêk bû be tabûtî gułegenme kujrawekanî kiştukał û
zankoyş bû be taqîgey merg!
min nîştimanêkim heye
le sê sed û şest û pênc pencerey sałêkya
řenge her pênc pencereyan pêbkenin
îtir sê sed û şest pencerekey tirî
yan hełmî kost daygirtûn û
yan destyan nawete jêr çeney xemî jûr û
yan sersam eřwanne payîzî dûr û
yan legeł řêjnebaranda egrîn!
min nîştimanêkim heye
bo xoyşî ewende biçûke
cêy bizey guł xenderanêkî têda nabêtewe.
min nîştimanêkim heye bo pejareyş ewende gewreye
cêy hemû zayełey dinyay têda ebêtewe,
min şî’irim kirduwe be aw
eykeme defrî hemû řojekanî sałewe.
min şî’irim kirduwe be mêw
lenêw pencekanî xulya û xeyałma
hemû core peykerêkî efrandinyan lê dirust ekem.
cwanîy xudam têkeł be cwanîy zimanekem kirduwe
bêgerdîy mindałim têkeł be řwanînim kirduwe
dengî hejaranim têkeł be dengî xwênim kirduwe
boye etwanim bibme haje le gwêtanda û
boye etwanim xoşewîstîtan sersam kem û
be sîḧrî ziman kemendikêştan kem.
min emřo lenêw şite biçûkekanewe eçmewe nêw qeładzê
şite lebîrkirawekan, ewaney bûn be hełm û kost û
baranî lebar birdin, min serlenwê
eyankemewe be hewr û be çexmaxe û be baran
min pelkegyay sûrbawî qijî serwer û
feqyaney sipî le kotirçûy ḧemesałḧim lebîre
sirûdekanî hêrş her le singiman
boye etwanim ber lehemûtan
qeładzê řakêşme em hołewe.
min nîştimanêkim heye, xem sabat û xem keprêtî
xem buwe be bałindey, xem buwe be gijugya û xem be małî.
legeł janda dîlanê eka û
legeł azarda buwe be hawřê û
legeł meraqda buwe be dirawsê û
bełam min nîştimanêkîşim heye
le dway hemû qeładzêCih û hełebceCihyek
ełê û ełê: lewaneye mirdin bimrê
bełam min na!