beyanîy bê xor!

řêga dûre, berçaw lêłe
asoy gyanim bedway tîşkî
xorî hewałêka... wêłe.
xeyał: řêbwarêkî mandûy
leş keneftî,
xem dagirtûy,
byabanî mabên.. kêłe.řêga... dûre
tarîkîy em şewey payîz
dinyayekî bêsnûre.
pişkoy leşim, qirçey tasem
giřey hawînî henasem.
çaweřwanî
şemałêkî berew jûre!.
*
řêga tare
sał: bebê werzî behare
qonaẍ wine
xozgey derûnîş hezare
pirsyarkirdin bêwerame
firmêskî çawî nêrgizim
çend diłopêkî nakame
wa nîweşew leser singî
małî xamoşî û bêdengî
çokî dada
qułpî hełda
bo tenyayî, şew besamehewał nehat
şemał nehat
wa beyanîşe xorî min
her heł nehat!.
şîrînekem!
zistanî dił, wek jûrekem
wek pêxefî sardusiřim
wekû kûrey bê agirim
tenya û peste
dûr le samał û hetawî
beharî toy xoşewîste.agirî dem cigerekem
lapeřey yadî řaburdû
esûtênê
dûkeł le dił ewrûjênê
ta temen bika be sûtû!heta peřey kitêbekan
wek řengî xom hełbizřikaw
wek çawî xom
wişey çawyan
piř le giryan
lenaw gerûy şewa xinkaw!key kotayîy em şewe dê?!
key firmêskî çawî azar
pêłûy serxewê lêk enê
key der’ekewê kejawey
bûkî behar?
key řehêłey zistanekem
ewestê û xoş ekatewe?!
asom pirşing edatewe?!
key tuxwa key azîzekem
xunçey xozgem ekirêtewe
em dûrîye le nizîkîy
beyanêka ebřêtewe?
ta pêt bigem!
key tuxwa key azîzekem?hewał nehat
şemał nehat
le beyanîyşa.. xorî min
her heł nehat!.