wełamî namey «řencurî»
lelayen «welî dêwane»we
Li pirtûka:
Dîwanî Welî Dêwane
Berhema:
Welî Dêwane (1826-1881)
2 Xulek
736 Dîtin
mewlay lałşinas, mewlay lałşinas
mewlewî ewlewî danay lałşinas
heyas duřnas esił û neseb xas
nejad pakan, «nizamîKes» qyas
«fîrdewsî tûsîKes», «camîKes» miłk cam
«xaqanîKes» xeyał, «enwerKes»y eyyam
«se’dîKes» suxendan beḧir me’anî
«ḧafizKes» «şîraz»Cih «sa’ibKes» sanî
betay bêhemtay qeyyûm bêçûn
hemtay to kemen ne řûy dewr dûn
şewket xûşeçîn peyday me’naten
’îsmet ne ewsaf sîfatit maten
mewlana «zehîr», «farabî»y dewr
fuzelay faził nadrey weş tewr
henî çend şe’ray asif nîşanan
ders ne medresey ’ilim to wanan
ẍewwas muḧît deryay ’ulûmî
şî’ir mesnewît, mer «mewlay řûmîKes»
to şałła henî payet bo zyad
min çêşim ke nam min arî we yad
ẍerez her êden buzurgît kerden
nam bendey wêt we yad awerden
ełbet wêt weḧał peşêwîm zanan
ce řûy îltîfat namet kyanan
kerdenit îzhar, mewlay kerem seyl
to saḧêb lutfî ye’nî min bê meyl?
min qesem we zat ew kes yeganen
daym nam tom wîrd zuwanen
her çend we xidmet to aşna nîm
bełê ce fikirit satê ẍafił nîm
dił perwanewar ce şew ta we řo
her hane xeyał wesił û dîn to
min ke ham terkîb ’umirim nam ton
nîşat zeynim koy kelam ton
nadîde ḧubbit ca girten ne dił
hergîz ce sewdat dił nyen ẍafił
kelamit sermeşq înşay zeynimen
namit bînayî her dû ’eynimen
«latşibîhErebî» çun «weys» řimûdey «řesûł»
her ham ne teḧsîl wesiłit kem wisûł
newa bwaçî cew zamin dûrîm
dêwaney bendey mewlay «řencûrîKes»m