وەڵامی نامەی «ڕەنجوری»
لەلایەن «وەلی دێوانە»وە
لە کتێبی:
دیوانی وەلی دێوانە
بەرهەمی:
وەلی دێوانە (1826-1881)
2 خولەک
1043 بینین
مەولای لاڵشناس، مەولای لاڵشناس
مەولەوی ئەولەوی دانای لاڵشناس
هەیاس دوڕناس ئەسڵ و نەسەب خاس
نەژاد پاکان، «نظامیکەس» قیاس
«فیردەوسی تووسیکەس»، «جامیکەس» مڵک جام
«خاقانیکەس» خەیاڵ، «ئەنوەرکەس»ی ئەییام
«سەعدیکەس» سوخەندان بەحر مەعانی
«حافظکەس» «شیراز»شوێن «صائبکەس» سانی
بەتای بێهەمتای قەییووم بێچوون
هەمتای تۆ کەمەن نە ڕووی دەور دوون
شەوکەت خووشەچین پەیدای مەعناتەن
عیسمەت نە ئەوساف سیفاتت ماتەن
مەولانا «زەهیر»، «فارابی»ی دەور
فوزەلای فازڵ نادرەی وەش تەور
هەنی چەند شەعرای ئاسف نیشانان
دەرس نە مەدرەسەی علم تۆ وانان
غەوواس موحیت دەریای عولوومی
شیعر مەسنەویت، مەر «مەولای ڕوومیکەس»
تۆ شاڵڵا هەنی پایەت بۆ زیاد
من چێشم کە نام من ئاری وە یاد
غەرەز هەر ئێدەن بوزورگیت کەردەن
نام بەندەی وێت وە یاد ئاوەردەن
ئەڵبەت وێت وەحاڵ پەشێویم زانان
جە ڕووی ئیلتیفات نامەت کیانان
کەردەنت ئیزهار، مەولای کەرەم سەیل
تۆ ساحێب لوتفی یەعنی من بێ مەیل؟
من قەسەم وە زات ئەو کەس یەگانەن
دایم نام تۆم ویرد زووانەن
هەر چەند وە خدمەت تۆ ئاشنا نیم
بەڵێ جە فکرت ساتێ غافڵ نیم
دڵ پەروانەوار جە شەو تا وە ڕۆ
هەر هانە خەیاڵ وەسڵ و دین تۆ
من کە هام تەرکیب عومرم نام تۆن
نیشات زەینم کۆی کەلام تۆن
نادیدە حوببت جا گرتەن نە دڵ
هەرگیز جە سەودات دڵ نیەن غافڵ
کەلامت سەرمەشق ئینشای زەینمەن
نامت بینایی هەر دوو عەینمەن
«لاتشبيهعەرەبی» چون «وەیس» ڕموودەی «ڕەسووڵ»
هەر هام نە تەحسیل وەسڵت کەم وسووڵ
نەوا بواچی جەو زامن دووریم
دێوانەی بەندەی مەولای «ڕەنجووریکەس»م